Categories: Tech

ԻՏՁՄ-ի և Արցախի Հանրապետության Կրթության, գիտության և սպորտի նախարարության միջև կնքվել է համագործակցության հուշագիր

Հունվարի 19-ին Արցախի Հանրապետության Կրթության, գիտության և սպորտի նախարարության՝ ի դեմս նախարար Նարինե Աղաբալյանի, և Ինֆորմացիոն տեխնոլոգիաների ձեռնարկությունների միության (ԻՏՁՄ)՝ ի դեմս Կարեն Վարդանյանի, միջև ստորագրվել է հուշագիր «Արցախի Հանրապետության կրթական համակարգում նախնական ինժեներական կրթության ներդրում՝ «Արմաթ» ինժեներական լաբորատորիաների միջոցով» ծրագրի շրջանակում համագործակցելու մասին:

«Այս հուշագրի ստորագրմամբ մենք նաև ամրագրում ենք մեր պատրաստակամությունը շարունակելու այդ համագործակցությունը և ավելի հետևողական լինելու, նաև համատեղելով մեր ջանքերը և՛ միջոցների հայթայթման, և՛ ծրագրի իրականացման համար», – նշել է ԱՀ ԿԳՍ նախարար Նարինե Աղաբալյանը:

Հաշվի առնելով ԻՏՁՄ-ի կողմից 2013-2017 թվականների ընթացքում Հայաստանի և Արցախի կրթական համակարգում գործարկված 220-ից ավելի ինժեներական լաբորատորիա-խմբակների հաջողված փորձը և համաշխարհային շուկայում ՏՏ մասնագետների աննախադեպ պահանջարկը, որը հնարավորություն կտա մեծ ծավալով աշխատանքներ իրականացնել և ներդրումներ ներգրավել ՏՏ ոլորտում, կողմերը ջանքեր կգործադրեն ներգրավելու ինչպես պետական այնպես էլ ոչ պետական միջոցներ՝ Արցախի կրթական համակարգում (այդ թվում՝ բոլոր դպրոցներում) «Արմաթ» ինժեներական լաբորատորիաների ներդրման և գործունեության համար:

Կողմերը կամակարծիք են, որ «Արմաթ» լաբորատորիաների ներդրումն ու ընդլայնումը մրցակցային լուրջ առավելություն է տալիս միջազգային շուկայում և հայկական տեխնոլոգիական կրթությունը կարող է հանդիսանալ 2019 թվականին Երևանում անցկացվելիք ՏՏ համաշխարհային կոնգրեսին (WCIT) ներկայացնելու առանցքային թեմաներից մեկն ու այցեքարտը:

Հավելենք, որ այս պահին «Արմաթ» ցանցը ներառում է 220-ից ավելի ինժեներական լաբորատորիաներ, որից 9-ը գտնվում են Արցախում:  Տես քարտեզն՝ այստեղ: «Արմաթ» լաբորատորիաներում կրթությունն անվճար է:

Հուշագրի ստորագրումից հետո կողմերը մեկնել են Նորշեն՝ մասնակցելու Արցախի թվով 9-րդ «Արմաթ» լաբորատորիայի բացման պաշտոնական արարողությանը:

Recent Posts

Ալեքսանդր Եսայանը վերընտրվել է ԱՏՁՄ նախագահ

Առաջատար տեխնոլոգիաների ձեռնարկությունների միության ապրիլի 16-ին կայացած 20-րդ համաժողովի պաշտոնական մեկնարկը տրվել է ԱՏՁՄ նախագահ Ալեքսանդր Եսայանի բացման ելույթով: ողջույնի խոսքով հանդես…

1 hour ago

Hye Combinator – Սփյուռքահայերի նոր նախաձեռնությունը՝ հայկական տեխնոլոգիական համայնքը զարգացնելու համար

Սփյուռքահայ գործարարների նախաձեռնությամբ ստեղծվել է Hye Combinator (Հայ Կոմբինատոր) մենթորական հարթակը, որը միտում ունի միավորել ՏՏ ոլորտի հայ գործարարներին և…

2 weeks ago

ԱՏՁՄ-ն ամփոփում է «Բանակից ՏՏ» ծրագրի ընթացիկ արդյունքները

Առաջատար տեխնոլոգիաների ձեռնարկությունների միությունը (ԱՏՁՄ) 2020 թ.-ի դեկտեմբերին հայտարարեց «Բանակից ՏՏ» ծրագրի երկրորդ փուլի մեկնարկի մասին։ Պայմանավորված  2020 թ.-ի  սեպտեմբեր…

3 weeks ago

DISQO-ն ԱՏՁՄ-ի գործընկերությամբ տեխնոլոգիական դասընթացներ է մեկնարկում Արցախյան 2-րդ պատերազմին մասնակիցների համար. գրանցումը բաց է

Ապրիլի 15-ից կմեկնարկեն «Gate to Product Management» և «Java Basics» դասընթացները ԱՏՁՄ-ի «Բանակից ՏՏ ոլորտ» ծրագրի շրջանակներում։ Դասընթացները կվարեն DISQO…

4 weeks ago

Ucom-ը փորձարկում է մինչև 1գբիթ/վրկ արագությամբ ցանց

Հայաստանում ամենաարագ օպտիկամանրաթելային ցանցի միջոցով կապի ծառայություններ  մատուցող Ucom ընկերությունը որոշ հասցեներում փորձարկում է մինչև 1 Գբիթ/վրկ արագությամբ ինտերնետի, ինչպես…

4 weeks ago

Ինչպե՞ս գնել Բիթքոին. հեշտ և վստահելի ճանապարհը

Վերջերս կրիպտոարժույթների շուկաներում ահռելի աճ է գրանցվում: Վստահ ենք` մտածել եք բիթքոինի մասին։ Հնարավոր է` նույնիսկ մտածել եք գնել կամ…

2 months ago