Business

Կասպերսկի. Հայաստանցի օգտատերերի վրա կիբեռգրոհները հիմնականում թուլացել են

Հայաստանում այս տարվա երկրորդ եռամսյակում 2021-ի նույն ժամանակահատվածի համեմատ նվազել են օգտատերերի վրա կիբեռգրոհները. բացառություն են միայն թաքնված կրիպտոմայներների գրոհները, որոնց ենթարկվել է օգտատերերի 0,94%-ը՝ նախորդ տարվա նույն ժամանակահատվածի 0,73%-ի դիմաց։

«Կասպերսկի» ընկերության տվյալներով՝ համակարգիչների օգտատերերի բաժինը, որոնք 2022-ի ապրիլ-հունիսին բախվել են ֆինանսական վնասաբեր ծրագրերի գրոհների, կազմել է 0,6%. նախորդ տարվա երկրորդ եռամսյակում այդ ցուցանիշը կազմել 0,7%։

2022-ի երկրորդ եռամսյակում ծածկագրող-շորթող ծրագրերի գրոհների ենթարկվել է երկրում գտնվող օգտատերերի 0,06%-ը, որոնց բաժինը նախորդ տարվա նույն ժամանակահատվածում կազմել է 0,26%։

Ինչ վերաբերում է համացանցային գրոհներին (վեբ-գրոհներ), ապա դրանք 2022-ի ապրիլ-հունիսին գրանցվել են համակարգիչների օգտատերերի 8,29%-ի մոտ՝ մեկ տարի առաջվա 12,95%-ի դիմաց. 2021-ի երկրորդ եռամսյակում Հայաստանն այդ ցուցանիշով զբաղեցրել է 17-րդ տեղն աշխարհում:

Նվազման միտում է նկատվել նաև տեղային սպառնալիքների ոլորտում (վնասաբեր ծրագրեր, որոնք սարք են ներթափանցում տարբեր շարժական կրիչներից, օրինակ՝ սմարթֆոններից, USB-ֆլեշերից կամ հիշողության քարտերից). Հայաստանում տեղային սպառնալիքների գրոհների բախված օգտատերերի մասնաբաժինը 2021-ի երկրորդ եռամսյակի 24,89% ցուցանիշից նվազել է մինչև ընթացիկ տարվա նույն ժամանակահատվածի 21,32% ցուցանիշը:

Ընկերության փորձագետները կիբեռգրոհների զոհ չդառնալու համար անհատ օգտատերերին խորհուրդ են տալիս չանցնել սոցիալական ցանցերի, փոստի և մեսենջերների կասկածելի հղումներով ու թերահավատորեն վերաբերվել շահավետ առաջարկներով ցանկացած հաղորդագրության, իրենց բոլոր օգտահաշիվների համար օգտագործել տարբեր հուսալի գաղտնաբառեր և սարքում տեղադրել հուսալի պաշտպանական լուծում։

Կորպորատիվ օգտատերերին խորհուրդ է տրվում աշխատակիցների համար պարբերաբար անցկացնել կիբեռգրագիտության դասընթացներ, որտեղ կարելի է մշակել թվային միջավայրում անվտանգ վարքագծի գործնական հմտություններ, կատարել ֆայլերի պահուստային կրկնօրինակում և ծածկագրում՝ սարքի կորստի և տվյալների արտահոսքի դեպքում լրացուցիչ պաշտպանության համար, կանոնավոր կերպով թարմացնել ծրագրային ապահովումը, քանի որ նման թարմացումներում մշակողները վերացնում են խոցելիությունները, որոնցից կարող են օգտվել չարագործները, ինչպես նաև համալիր պաշտպանության համար օգտագործել հարմար լուծում՝ պարզ կառավարմամբ և անվտանգության ստուգված գործառույթներով։

Recent Posts

Կկայանա «ԱրմՌոբոտիքս 2022» հայաստանյան 14-րդ առաջնությունը

Հայաստանում ռոբոտաշինության, ծրագրավորման, էլեկտրոնիկայի և դիզայնի նկատմամբ հետաքրքրության զարգացման, ինչպես նաև ճարտարագիտական մասնագիտությունների նկատմամբ հետաքրքրությունը մեծացնելու նպատակով Առաջատար տեխնոլոգիաների ձեռնարկությունների…

4 mins ago

Երևանում կանցկացվի Silicon Mountains միջազգային տեխնոլոգիական գագաթնաժողովը

Վաղը Երևանում կանցկացվի SILICON MOUNTAINS 2022 միջազգային տեխնոլոգիական գագաթնաժողովը՝ նվիրված տնտեսությունում թվային լուծումների կիրառմանը: Միջողառման կազմակերպիչը Տեղեկատվական և հաղորդակցության տեխնոլոգիաների…

52 mins ago

SAP Startup Factory-ի առաջին և երկրորդ շրջափուլերի շրջանակներում  16 թիմ մասնակցել է աքսելերացիոն ծրագրին

SAP Startup Factory ծրագրի առաջին և երկրորդ շրջափուլերի շրջանակներում 16 B2B թիմ մասնակցեց 16-շաբաթյա աքսելերացիոն ակտիվություններին։ Ծրագրի ավարտին  թիմերը նաև հնարավորություն…

1 hour ago

Կասպերսկի. Phishing now pay later. չարագործներն ակտիվորեն կեղծում են գնումների համար մաս-մաս վճարելու ծառայությունները

«Կասպերսկի» ընկերության փորձագետները 2022-ին հայտնաբերել են բազմաթիվ ֆիշինգային էջեր, որոնք նմանակում են Buy Now, Pay Later (բառացիորեն ՝ Գնիր հիմա,…

2 days ago

Տեղի ունեցավ ԱՏՁՄ արտահերթ համաժողովը

Դեկտեմբերի 2-ին տեղի ունեցավ Առաջատար տեխնոլոգիաների ձեռնարկությունների միության (ԱՏՁՄ) արտահերթ համաժողովը: Համաժողովի ընթացքում քննարկվեցին ԱՏՁՄ անդամների կողմից առաջադրված մի շարք…

3 days ago

BANA Angels-ի նախաձեռնությամբ ՄՌԿ մասնագետները կքննարկեն թիմեր հավաքագրելու և զարգացնելու մարտահրավերները

Սույն թվականի դեկտեմբերի 8-ին, Formula Hub կենտրոնում տեղի կունենա «Ինչպես ստեղծել, հավագագրել և ընդլայնել աճի ռազմավարություն որդեգրած թիմ» խորագիրը կրող…

3 days ago