Categories: Business

Ucom-ում պաշտոնապես մեկնարկել է iPhone 13-ի վաճառքը

Սույն թվականի հոկտեմբերի 14-ին, ժամը 23։30-ին, Հյուսիսային պողոտա 1/2 հասցեում տեղակայված Ucom սպասարկման կենտրոնում տեղի ունեցավ Apple ընկերության iPhone 13 սմարթֆոնների պաշտոնական վաճառքի մեկնարկն ազդարարող միջոցառումը: Միջոցառմանը հրավիրված էին սպասված գաջեթը ձեռք բերելու համար նախագրանցված գնորդները։ Որպես Apple ընկերության պաշտոնական գործընկեր Ucom-ն ի թիվս այլ համաշխարհային ընկերությունների առանձնահատուկ ուշադրության է արժանացրել հանրահայտ բրենդը նախընտրողներին։

«Ուրախ ենք, որ որպես Apple ընկերության պաշտոնական գործընկեր առաջիններից ենք ներկայացնում այս նորագույն սմարթֆոնը հայաստանյան սպառողներին։ Վաճառքի մեկնարկն ազդարարելու համար հրավիրել ենք նախագրանցված գնորդներին և պատրաստել ենք հատուկ անակնկալներ նրանց համար», – նշեց Ucom ընկերության կոմերցիոն տնօրեն Արինա Առուստամյանը։

Նախագրանցված գնորդները, մասնավորապես, ստացել են հատուկ պրոմո-կոդեր, որոնք հնարավոր է օգտագործել մինչև դեկտեմբերի 31-ը և ստանալ 50% զեղչ Ucom-ի առցանց խանութից 600 000 դրամ, 1 000 000 դրամ և 2 000 000 դրամ արժողությամբ հեռախոսահամարների ձեռքբերման համար։ Ավելին, միջոցառման ընթացքում գնորդները նաև հնարավորություն են ունեցել անվճար թաղանթապատելու իրենց նոր iPhone-ները։

Նշենք, որ նոր iPhone-ներն ունեն ավելի հզոր մարտկոցներ. Apple-ը խոստացել է ավելացնել օգտագործման ժամանակը 1.5-2 ժամով: Իսկ iPhone 13 Pro տարբերակներն ունեն ProMotion տեխնոլոգիայով աշխատող Super Retina XDR էկրաններ, ինչը թույլ է տալիս ավելի արագ թարմացնել պատկերները՝ մինչև 120 Հց հաճախականությամբ:

«iPhone 13-ը ձեռք եմ բերել թոռնիկիս համար․ վաղը նրա ծննդյան 24-ամյակն է, և մենք բոլոր հարազատներով որոշել ենք նրան այսպիսի նվեր մատուցել», – գնումից իր տպավորություններով է կիսվել Ucom հաճախորդներից մեկը։

Հավելենք, որ iPhone 13-ը Ucom-ում ներկայացված է գրաֆիտ, ոսկեգույն, «Սիերա կապույտ», կարմիր, «Աստղային լույս», վարդագույն և այլ երանգներով: Սմարթֆոնները կարելի է ձեռք բերել թե՛ կանխիկ, թե՛ ապառիկ տարբերակով:

Recent Posts

CodeSignal-ի համահիմնադիր Տիգրան Սլոյանը՝ հաջողության, անցած ճանապարհի և աշխարհը փոխելու մասին

Հայ հիմնադիրների կողմից ստեղծված CodeSignal ստարտափի մասին հիմա աշխարհում շատերը գիտեն: Այն այժմ գնահատվում է 500 միլիոն դոլար: CodeSignal-ի համահիմնադիր…

3 days ago

Ամերիաբանկ. Տեխնոլոգիական աշխարհի ամենաարդիական թեմաները` Orion Summit 2022-ի օրակարգում

Երևանում հունիսի 22-ին տեղի ունեցող Orion Summit 2022 տեխնոլոգիական գագաթնաժողովը  կքննարկի տեխնոլոգիական աշխարհի ամենաարդիական թեմաները: Գագաթնաժողովի առանցքային ուղղվածություններից մեկն էկոհամակարգային…

3 days ago

Team Telecom Armenia. Ձեռներեցության Աշխարհի Գավաթ 2022-ի ազգային փուլի դիմումներն արդեն ընդունվում են

Հայաստանի ամերիկյան համալսարանի (ՀԱՀ) Ձեռներեցության եւ նորարարական տեխնոլոգիաների կենտրոնը (EPIC) հայտարարում է Ձեռներեցության աշխարհի գավաթ 2022-ի ազգային փուլի (Entrepreneurial World…

3 days ago

Ի՞նչ կտա նոր Office-ը ժամանակակից գրասենյակին

Ինչպիսին էլ լինի ձեր գրասենյակը՝ ընդարձակ տարածք ժամանակակից բիզնես կենտրոնում, փոքրիկ սենյակ պահեստում կամ խանութում, թե պարզապես աշխատանքային սեղան ձեր…

4 days ago

Հատուկ առաջարկ Team-ի բաժանորդներին` 50 Cent-ի, ZAZ-ի և Led Zeppelin Symphonic-ի համերգների համար

«ՀԱՅԱ» երաժշտական փառատոնի շրջանակներում Երևանն այս ամառ կհյուրընկալի համաշխարհային ճանաչում ունեցող աստղեր 50 Cent-ին, ZAZ-ին և Led Zeppelin Symphonic-ին։ Փառատոնի…

5 days ago

Ինչ կտա Starlink արբանյակային ինտերնետ կապը Հայաստանին, ինչ փոփոխություններ են անհրաժեշտ

Starlink արբանյակային ինտերնետ մատակարարի քարտեզի համաձայն Հայաստանում Starlink ինտերնետ կապը հասանելի կլինի 2023 թվականին։ «Արմենպրես»-ի հարցմանն ի պատասխան, թե ինչ…

5 days ago