![WCIT տեխնոլոգիական կոնգրեսը վերադառնում է՝ բացահայտելու Հայաստանը՝ որպես տարածաշրջանի նոր տեխնոլոգիական հաբ](https://geek.am/pub/uploads/2024/05/WCIT2024-76.webp)
WCIT տեխնոլոգիական կոնգրեսը վերադառնում է՝ բացահայտելու Հայաստանը՝ որպես տարածաշրջանի նոր տեխնոլոգիական հաբ
Հայաստանի Առաջատար տեխնոլոգիաների ձեռնարկությունների միությունը (ԱՏՁՄ) մանրամասներ ներկայացրեց հոկտեմբերի 4-7-ը Հայաստանում անցկացվելիք 2024 թվականի Նորարարության և տեխնոլոգիաների համաշխարհին կոնգրեսի (WCIT) վերաբերյալ։ «ՄՏՔԻ ՈՒԺԸ. Արհեստական Բանականությունը Սահմաններից այն կողմ` էթիկայի շրջանակներում» խորագրի ներքո WCIT2024-ը կմեկտեղի մեծանուն խոսնակների ելույթներ, պանելային քննարկումներ, B2B հանդիպումներ, մեծ ճանաչում ունեցող՝ ստարտափ ընկերությունների համար WITSA-ի համաշխարհային գավաթը (WITSA World Cup (WWC)), նորարարական ցուցադրություններ, բիզնես շնորհանդեսներ, սեմինարներ և այլն միջոցառումներ:
WCIT 2024 կոնգրեսը տեղի կունենա ԴիջիԹեք Հայաստանի՝ տարածաշրջանում նորարարությանը և տեխնոլոգիաներին նվիրված ամենախոշոր ամենամյա միջոցառման հետ սերտ փոխգործակցության շրջանակներում։
WCIT 2024-ի և ԴիջիԹեք-ի միջև համագործակցության բարձր մակարդակն ամրագրվել է միջոցառման համատեղ բրենդավորմամբ՝ խորհրդանշելով համապարփակ մոտեցում «Մտքի ուժին», հատկապես՝ հայկական ներուժին։
WCIT 2024/DigiTec համաժողովը կծառայի որպես տեղեկատվական տեխնոլոգիաների ազդեցության ուժեղացման, ներդրումների և տարբեր տարածաշրջաններում ու տնտեսություններում (ՏՀՏ) լուծումների կարևորությունը ընդգծող համաշխարհաին հարթակ։Հայաստանը, հանդիսանալով տարածաշրջանի տեխնոլոգիական հաբ, վերջին տարիներին իր շուրջն է համախմբել գլոբալ մի շարք տեխնոլոգիական ընկերությունների, որոնք այստեղ հիմնել են իրենց գիտահետազոտական (R&D) գրասենյակներն ու մասնաճյուղերը։
Համաժողովի շնորհիվ մի շարք ընկերություններ կծանոթանան հնարավորություններին և ներուժին, որն առկա է ոլորտի առաջատար ընկերությունների գիտահետազոտական կենտրոններ հիմնելու համար։ Այն նպատակ ունի նաև նորարարությունների,ՏՀՏ լուծումներիմիջոցով ընդգծելու կիրառական գիտությունների առանցքային դերը տարածաշրջանային սոցիալ-տնտեսական զարգացման խթանման գործում և ներկայացնելու տեխնոլոգիաների ապագան և հետագա զարգացումները՝ հատկապես Արհեստական բանականության ուղղությամբ:
ՏՏ ոլորտի համաշխարհային քարտեզի վրա Հայաստանն ամրագրել է իր ուրույն դերը որպես տեխնոլոգիական հաբ, իսկ WCIT 2024/DigiTec-ը ոլորտի առանցքային դերակատարում ունեցող ընկերությունների համար կբացահայտի Հայաստանի տեխնոլոգիական ներուժը՝ այստեղ մասնաճյուղեր հիմնելու, ակադեմիական ուսումնասիրություններ իրականացնելու և կոմերցիոն խոշոր կենտրոններ հիմնելու նպատակով։
Հայաստանը հպարտ է հյուրընկալել այս առաջատար համաժողովը՝ լինելով մի շարք հաջողված տեխնոլոգիական ստարտափների հայրենիք, ինչպիսիք են՝ PicsArt-ը, Renderforest-ը, Krisp-ը։
ՏՏ ոլորտի հարկային արտոնությունների ճկուն համակարգը և միջազգային ֆինանսավորման բազմաթիվ հնարավորությունները գրավում են ոլորտի համաշխարհային խոշորագույն ընկերություններին, ինչպիսիք են՝ Synopsis-ը, Siemens-ը, Nvidia-ն, Adobe-ը և այլն։
«Մեզ համար պատիվ է հյուրընկալել և ներկայացնել WCIT2024/DigiTec-ը Հայաստանում: Մեր երկիրը դիտարկվում է որպես նոր տեխնո հաբ, և ուրախ ենք մեր հյուրերի և մասնակիցների հետ կիսվել մեր առաջադեմ փորձով և գիտելիքներով։ Ես նաև պատիվ ունեմ հայտնելու, որ 2024 թվականին WCIT-ի շրջանակում մենք համագործակցում ենք տարածաշրջանում ամենամեծ տեխնոլոգիական և նորարարական իրադարձության՝ DigiTec-ի հետ, որն ամեն տարի Հայաստանից և արտերկրից հազարավոր տեխնոլոգիական ընկերություններէ հյուրընկալում» – ասաց WCIT2024//DigiTec-ի կազմկոմիտեի գործադիր տնօրեն Հայկ Կարապետյանը։
Համաժողովը ներկայացնելու է համընդգրկուն օրակարգ՝ մասնակիցների լայն աշխարհագրություն՝ ավելի քան 2,000 միջազգային պատվիրակներ կայցելեն Հայաստան միջոցառման օրերին։ Մասնակիցներին բացառիկ հնարավորություն կընձեռվի համաշխարհային նորարարական և տեխնոլոգիական լավագույն արդի փորձի փոխանակման համար, ինչպես նաև՝ մասնակիցը դառնալու առաջադեմ լուծումների բազմաբովանդակ հանդիպումների:
«Հարգելի Դոկտր Շան Սիա, գործընկերներ և հյուրեր, պատիվ ունեմ այս եզակի իրադարձության և հրաշալի նորության մի մասը լինել: Ինչպես գիտեք, ինձ է հանձնվել այն գավաթը, որը խորհրդանշում է Հայաստանում անցկացվելիք WCIT 2024-ը։ WCIT կոնգրեսը ձևավորում է նորարարության և տեխնոլոգիաների ապագան, իսկ Հայաստանը, որպես նոր տեխնոլոգիական հաբ, նման հետաքրքրաշարժ իրադարձություն անցկացնելու համար լավագույն վայրն է: Համոզված եմ, որ և՛ Հայաստանը, և՛ WCIT-ը դրական արդյունք կստանանք այս համագործակցությունից, իսկ միջոցառումն էական ազդեցություն կունենա ամբողջ աշխարհում տեխնոլոգիաների հետագա զարգացման և առաջխաղացման վրա»,- ասաց Առաջատար տեխնոլոգիաների ձեռնարկությունների միության (ԱՏՁՄ) նախագահ Ալեքսանդր Եսայանը:
Պատվիրակների համար համաժողովն իրենց ներդրումային ծրագրերն ու գաղափարները ցուցադրելու հարթակ կդառնա՝ ճանապարհ հարթելով միջազգային կազմակերպությունների հետ փոխշահավետ գործընկերության համար և զարգացնելու կայուն տեխնոլոգիական առաջնորդությունն ու նորարարությունը, բոլոր ներկաներին հնարավորություն կընձեռվի հեռանկարային համագործակցություն հաստատելու թե հայաստանյան, թե միջազգային գործընկերների հետ։
«ՏՏ և ծառայությունների համաշխարհային դաշինքը (WITSA) մեծ ակնկալիքներ ունի այս տարվա միջոցառումից։ Համաշխարհային տեխնոլոգիական քարտեզի վրա Հայաստանի ընդլայնվող դիրքը, ինչպես նաև 2019 թվականին WCIT-ի հաջող հյուրընկալումը, այն դարձնում է կատարյալ վայր այս կարևոր քննարկումների և միջոցառումների համար: Վերջին տարիներին Հայաստանը վերածվել է Կենտրոնական Ասիայի և Արևելյան Եվրոպայի ստարտափների և տեխնոլոգիական ընկերությունների հաբի։ Հայաստանի տեխնոլոգիական էկոհամակարգը դեռ համեմատաբար երիտասարդ է, բայց այն արագորեն զարգանում է։ Գալիք տարիներին երկիրը համաշխարհային տեխնոլոգիական ասպարեզում գլխավոր խաղացող դառնալու ներուժ ունի»,-ասաց ՏՏ և ծառայությունների համաշխարհային դաշինքի (WITSA) նախագահող Դոկտր Շան Սիան:
WCIT 2024/DigiTec-ի օրակարգում բացման պաշտոնական արարողությունն է՝ տեխնոլոգիական աննախադեպլուծումներով, ոլորտի միջազգային և տեղական առաջնորդների ելույթներով, շնորհանդեսներով ու գործընկերության նոր կապեր հաստատելու լայն հնարավորություններով:
2024 թվականին հանդես գալով գլխավոր գործընկերոջ՝ ԴիջիԹեք խոշորագույն տեխնոլոգիական էքսպո միջոցառման հետ, Նորարարության և տեխնոլոգիաների համաշխարհին կոնգրեսը (WCIT) լայն հնարավորություններ կընձեռի ինչպես միջազգային հանրությանը ծանոթանալու Հայաստանում և տարածաշրջանում առկա ներուժին, այնպես էլ լոկալ կազմակերպություններին ներկայացնելու իրենց ձեռքբերումենորը ոլորտում։
Համաժողովն Արհեստական բանականության (ԱԲ) ապագայի և դրա սոցիալական ազդեցությունը և էթիկան ձևավորող կարևորագույն թեմաների շուրջ մի շարք միջոցոռումներ է նախատեսում անցկացնել։
Տարբեր ոլորտների առաջատար մասնագետներ կքննարկեն Էթիկական նորարարությունը, Արհեստական բանականության (ԱԲ) մարդ-տեխնոլոգիա համագործակցությունը և համաշխարհային ազդեցություն ունեցող կանոնակարգերը՝ «Էթիկա, հասարակություն և կառավարում» թեմայով քննարկմանը:
«Կանաչ Արհեստական բանականության (ԱԲ)» թեմայով քննարկման ընթացքում կուսումնասիրվեն կայուն զարգացման համար բնագիտականգիտակցված լուծումները, իսկ «Արհեստական բանականությունը սոցիալական մեդիայում և մարքեթինգում» թեմայով քննարկումները կանդրադառնան մարգինալացված սպառողներին հասնելուն և շուկայավարման արդյունավետության բարձրացմանը:
Մեկ այլ թեմայով հանդիպման ընթացքում՝ «ԱԲ-ի կանացի հմայքը», կխոսվի գենդերային հավասարության և թվային ոլորտում կանանց տնտեսական հզորացման մասին:
Տասնյակ պանելային քննարկումները կանդրադառնան ճգնաժամերի արձագանքման գործում ԱԲ-ի դերին, թվային նորարարություններին, ինչպես նաև ԱԲ-ի ապագան կերտող մարտահրավերներին ու հաջողված օրինակներին։
Առանձին հարթակ կտրամադրվի Արհեստական բանականության (ԱԲ) կառավարմանն ու կիրառությանը տարբեր մասնավոր և պետական հարթակներում։
WCIT/DigTec-ի մասին. Նորարարությունների և տեխնոլոգիաների համաշխարհային կոնգրեսը (WCIT) հեղինակավոր համաշխարհային միջոցառում է, որը կազմակերպվել է ՏՏ և ծառայությունների համաշխարհային դաշինքի (WITSA) կողմից: WCIT-ը համախմբում է տեխնոլոգիայի առաջնորդներին, ոլորտի մասնագետներին, կառավարության ներկայացուցիչներին ամբողջ աշխարհից՝ ուսումնասիրելու և ձևավորելու տեխնոլոգիայի ապագան և դրա ազդեցությունը հասարակության վրա:
WITSA-ի մասին․ ՏՏ և ծառայությունների համաշխարհային դաշինքը (WITSA) ՀՏ ոլորտի միությունների կոնսորցիում է աշխարհի ավելի քան 80 երկրից: WITSA-ն ներկայացնում է գլոբալ ՏՀՏ արդյունաբերությունը և պաշտպանում է այնպիսի քաղաքականություն, որը խթանում է արդյունաբերության աճն ու զարգացումը միջազգային մակարդակով:
ԱՏՁՄ-ի մասին․ Առաջատար տեխնոլոգիաների ձեռնարկությունների միությունը համախմբում է ոլորտում 120-ից ավելի ընկերություն, որի առաքելությունն է Հայաստանի տեխնոլոգիական վերազինումը, ընկերություն հիմնելու, զարգացնելու, միջազգային շուկա դուրս բերելու գործընթացներն ավելի դյուրին դարձնելը։ Միությունը հիմնադրվել է 2000 թվականին՝ Կարեն Վարդանյանի նախաձեռնությամբ և առաջնորդությամբ։ ԱՏՁՄ-ն սերտ գործակցում է մասնավոր, միջազգային և ոչ առևտրային կազմակերպությունների հետ՝ կենտրոնանալով կրթության, հասարակության թվայնացման, հայկական տեխնոլոգիաների առաջմղման ուղղություններով։ ԱՏՁՄ-ի առաջատար ծրագրերից են «Արմաթ» ինժեներական լաբորատորիաները, «DigiTec էքսպո»-ն, «Իրական դպրոց»-ը և «ԻննոԻջևան» նորարարական կենտրոնը։
ԴիջիԹեք-ի մասին․ ԴիջիԹեք տեխնոլոգիական ցուցահանդեսն ամենամյա միջոցառում է, որը 2005 թվականից իրականացնում է Առաջատար Տեխնոլոգիաների Ձեռնարկությունների Միությունը (ԱՏՁՄ)՝ համախմբելով և արտացոլելով Հայաստանի տեխնոլոգիական ներուժը, նորարարությունն ու հեռանկարները։ Ամեն տարի 80,000 այցելուներով ցուցահանդեսը դարձել է համաշխարհային տեխնոլոգիական միտումներին ծանոթանալու հարթակ: 2023-ին ԱՏՁՄ-ն կազմակերպել է միանգամից երկու ցուցահանդես, որոնցից յուրաքանչյուրում մասնակցել է 120 ընկերություն և հյուրընկալվել ավելի քան 100 խոսնակ: Մինչև 2023-ի ավարտը մասնակից ընկերությունները ԴիջիԹեքի շնորհիվ կատարել են 100 միլիոն դրամից ավելի գործարքներ։ ԴիջիԹեք 2024-ն այս տարի կանցկացվի հոկտեմբերի 4-6-ին՝ «Մերիդիան» էքսպոկենտրոնում (Ոսկերիչների 1, Երևան):
-
11:18 05/09/24Հայկ Եսայան. Հայաստանը Cloud լուծումներ առաջարկելու լուրջ հեռանկարներ ունի
-
14:11 23/08/24Շուրջ 100 000 տնային տնտեսություն օգտվում է Team Telecom Armenia-ի ինտերնետից․ 2-րդ եռամսյակի ցուցանիշներ
-
16:53 15/08/24Team Telecom Armenia-ն դարձել է Գիտության շաբաթվա գլխավոր գործընկերը
-
12:27 31/07/24Թումո ճամբարն ու Team-ը տեխնոլոգիական ամառային փորձառություն նվիրեցին արցախցի պատանիներին
-
15:03 06/12/23Հայաստանից ամենաշատ ներբեռնվող հավելվածները. 06/12/2023
-
14:28 05/09/23Հայաստանից ամենաշատ ներբեռնվող հավելվածները. 04/09/2023
-
19:31 22/09/22Level Up միայն ուսանողների համար․ Ucom-ն առաջարկում է ինտերնետի x2 և x3 ծավալ
-
13:08 29/06/22Ucom. «Ղարաբաղ Տելեկոմի» ցանցում ռոումինգի սակագները վերականգնվում են
-
14:19 28/06/22Վիվա-ՄՏՍ. Փոփոխություններ «Ղարաբաղ Տելեկոմ» ցանցում ռոումինգ ծառայության պայմաններում
-
19:29 12/10/21Վիվա-ՄՏՍ. «iPhone 13» և «iPhone 13 Pro»-ի վաճառքին մնացել են հաշված օրեր
-
18:58 28/09/20Շարժական կապի օպերատորների համատեղ հայտարարությունը
-
18:57 13/08/20Վիվա-ՄՏՍ. «Լիցք+». այժմ արդեն մինչև 2000 Դ չափով
-
12:15 11/08/192019թ. առաջին կիսամյակում ՀՀ խոշոր հեռահաղորդակցական ընկերությունների մուծած հարկերի ծավալը նվազել է մոտ 23.07%-ով
-
16:27 03/05/19Ռոստելեկոմ. նոր առաջարկ՝ երեք ամիս կես գնով
-
13:56 04/12/18Ռոստելեկոմ․ Հայտնի են STARTUP BOOST WEEKEND Vol3 նախագծի հաղթողները
-
16:07 27/09/18Ռոստելեկոմը ռեբրենդինգ է իրականացրել
-
12:11 14/02/24Picsart-ն ամենաորոնվածն է App Store-ում
-
14:59 02/06/23TalkAround․ Գեներատիվ AI-ը գործնականում. մարտահրավերներ և հնարավորություններ
-
21:00 26/03/23Հայկական Picsart-ը՝ Forbes-ի 14 ուշագրավ ու խելահեղ արհեստական բանականության գործիքների շարքում
-
16:48 03/02/23Հայկական Picsart-ն աշխարհի 20 լավագույն հավելվածների շարքում է