CrowdStrike EDR լուծման հուլիսի 19-ի ոչ կոռեկտ թարմացումն աշխարհով մեկ անդրադարձել է Windows-ով աշխատող սարքերի վրա, որոնք բոլորը նույն ժամին կորպորատիվ օգտատերերին ցույց են տվել «մահվան կապույտ էկրան» (BSOD): Խափանումն ազդել է, օրինակ, ԱՄՆ-ի, Իսպանիայի, Գերմանիայի, Նիդեռլանդների և այլ երկրների օդանավակայանների տեղեկատվական համակարգերի վրա:

«Կասպերսկի» ընկերության տվյալներով՝  ուրբաթ, հուլիսի 19-ի առավոտյան, ամբողջ աշխարհում օգտատերերը հայտնել են Windows-ի հետ կապված խնդիրների մասին։ CrowdStrike-ը հաստատել է, որ սկզբնապատճառը CrowdStrike EDR-ի csagent.sys или C-00000291*.sys դրայվերում է։

Ամենից շատ տուժել են ավիացիոն ընկերությունները, օդանավակայանները, տարբեր բժշկական կենտրոններ, ցանցային խանութներ, Նյու Յորքի մետրոն, Հարավային Աֆրիկայի խոշորագույն բանկը և շատ այլ կազմակերպություններ: Խափանումից տուժածների ամբողջական ցանկը կարելի է ուսումնասիրել հղմամբ:

«Կասպերսկի»-ում համարում են, որ բավական խնդրահարույց է գնահատելը, թե որքան ժամանակ կպահանջվի աշխարհում այս կամ այն տեղեկատվական համակարգերի ամբողջական վերականգնման համար: Ամեն ինչ բարդանում է նրանով, որ օգտատերերին անհրաժեշտ է ձեռքով վերագործարկել իրենց համակարգիչներն անվտանգ ռեժիմում: Իսկ խոշոր կորպորացիաներում դա, որպես կանոն, հնարավոր չէ անել ինքնուրույն՝ առանց համակարգային ադմինիստրատորի օգնության:

Այնուամենայնիվ, CrowdStrike-ի հետ կապված խնդրից՝ դրա դրայվերի թարմացման առաջացրած մահվան կապույտ էկրանից ազատվելու համար անհրաժեշտ է.

• Գործարկել համակարգիչը անվտանգ ռեժիմում:
• Անցնել C:\Windows\System32\drivers\CrowdStrike.
• Գտնել և ջնջել csagent.sys կամ C-00000291*.sys նիշքը։
• Վերագործարկել համակարգիչը նորմալ ռեժիմում:

«Կասպերսկի»-ի փորձագետների կարծիքով՝ նման իրավիճակից հնարավոր էր խուսափել բավականին պարզ  եղանակով։ Առաջինը՝ չթողարկել թարմացումներն ուրբաթ օրը: Սխալի դեպքում շտկման համար շատ քիչ ժամանակ է մնում. CrowdStrike-ի խափանումից տուժած բոլոր ընկերությունների համակարգային ադմինիստրատորները խնդիրը շտկելու համար գրեթե հաստատ աշխատել են բոլոր հանգստյան օրերին:

«Բայց ամենակարևորը թողարկված թարմացումների որակին առավելագույն պատասխանատվությամբ վերաբերվելն է։ Մենք «Կասպերսկի» ընկերությունում դեռևս 2009-ին գործարկել ենք մեր հաճախորդների մոտ զանգվածային խափանումների կանխարգելման ծրագիրը և անցել SOC 2 աուդիտ, որը հաստատում է ներքին գործընթացների անվտանգությունը։  Ահա արդեն 15 տարի յուրաքանչյուր թարմացում անցնում է աշխատունակության բազմաստիճան ստուգում տարբեր կոնֆիգուրացիաներում և օպերացիոն համակարգերի զանազան տարբերակներում: Սա մեզ թույլ է տալիս նախապես բացահայտել հնարավոր խնդիրները և լուծել դրանք «ափին»։

Անհրաժեշտ է հետևել ռելիզների փոքր փուլերով թողարկման սկզբունքին: Հարկ է թարմացումները տարածել աստիճանաբար, այլ ոչ թե միանգամից բոլոր հաճախորդներին։ Նման մոտեցումը հնարավորություն է տալիս անհապաղ արձագանքել և, անհրաժեշտության դեպքում, կանգնեցնել թարմացումը: Եթե մեր օգտատերերն ինչ-որ խնդիր են ունենում, ապա մենք անպայման գրանցում ենք այն, դրա լուծումը դառնում է գերակայություն ընկերության բոլոր մակարդակներում»,- տեղեկացնում է «Կասպերսկի»-ն՝ պարզաբանելով, որ ինչպեսև կիբեռանվտանգության միջադեպերի դեպքում, տեսանելի վնասը վերացնելուց բացի, անհրաժեշտ է գտնել սկզբնապատճառը՝ ապագայում նման կարգի խնդիրները կանխելու համար: Անհրաժեշտ է թեստային ենթակառուցվածքում ստուգել ծրագրային պրոդուկտների թարմացումների աշխատունակությունը նախքան ընկերության «մարտական» ենթակառուցվածքում ծավալելը, աստիճանաբար ներդնել փոփոխությունները՝ վերահսկելով հնարավոր խափանումները:

Միջադեպերի հետ աշխատանքը նաև պետք է հիմնված լինի իր ծառայությունների անվտանգության, որակի և հասանելիության բարձր ներքին պահանջներով վստահելի մատակարարի հետ պաշտպանություն կառուցելու համալիր մոտեցման վրա: Այդ աշխատանքի հիմքը կարող է լինել Kaspersky Symphony լուծումների շարքը։ Դա կօգնի ընկերություններին ոչ միայն պարզապես ջրի երեսին մնալ, այլև բարձրացնել տեղեկատվական անվտանգության համակարգի արդյունավետությունը։ Դա կարելի է անել ինչպես աստիճանաբար՝ քայլ առ քայլ բարձրացնելով պաշտպանության մակարդակը, այնպես էլ միանգամից՝ օգտագործելով  պաշտպանության ամենաբարձր Kaspersky Symphony XDR մակարդակը: «Կասպերսկի»-ն ընկերություններին խորհուրդ է տալիս իր հետ միասին հոգ տանել ենթակառուցվածքի անվտանգության մասին, որպեսզի հաջորդ գլոբալ խափանումը չանդրադառնա իրենց հաճախորդներին: