Team Telecom Armenia-ն՝ Գիտության շաբաթվա տեխնոլոգիական գործընկեր
Վեց օր շարունակ Հայաստանը կդառնա գիտության և տեխնոլոգիաների կենտրոն. սեպտեմբերի 30-ից հոկտեմբերի 5-ը Team Telecom Armenia-ի տեխնոլոգիական գործընկերությամբ կանցկացվի «Գիտության շաբաթ․ Հայաստան 2025»-ը:
Գիտության և տեխնոլոգիաների հանրահռչակման հայաստանյան ամենախոշոր միջոցառումն այս տարի կանցկացվի «Զարգացնել գիտությամբ» կարգախոսով: Միջոցառումը կհամախմբի ավելի քան 50 000 այցելուի և կներգրավի շուրջ 300 դպրոց և մանկապարտեզ Երևանից և Հայաստանի բոլոր մարզերից։
«Գիտությունն ու տեխնոլոգիաները երկրի առաջընթացի շարժիչ ուժն են, որ կարող են բացել նոր հորիզոններ թե՛ անձնական, թե՛ ազգային առաջընթացի համար: Ուրախ ենք, որ կարողանում ենք նպաստել երիտասարդների և գիտության ու տեխնոլոգիաների միջև ամուր կապի հաստատմանն ու նորարարական մտածողության զարգացմանը»,-ասում է Team Telecom Armenia-ի գլխավոր տնօրեն Հայկ Եսայանը:
Միջոցառման կազմակերպիչը «Գիտուժ» նախաձեռնությունն է: «Գիտուժ»-ի ակտիվ անդամ Տիգրան Շահվերդյանը նշում է. «Ուրախ ենք, որ «Գիտության շաբաթ․ Հայաստանը» երկրորդ տարին է համախմբում հասարակությանը՝ ցույց տալով, թե ինչպես կարելի է գիտությունն ու տեխնոլոգիաները սիրելի ու հետաքրքիր դարձնել երիտասարդների համար և ընդգծել դրանց վճռորոշ դերը Հայաստանի անվտանգության ու զարգացման համար»։
Միջոցառման սիրտը կլինի Ազատության հրապարակում անցկացվող Գիտության փառատոնը, որին մասնակցելու են Հայաստանի պետական, ակադեմիական, կրթական, տեխնոլոգիական ու ստեղծարար կառույցների և կազմակերպությունների առաջատար ներկայացուցիչները։
Team Telecom Armenia-ն, այս տարի ևս միանալով այս գիտական ու տեխնոլոգիական տոնին, կապահովի փառատոնի համար անհրաժեշտ բոլոր տեխնոլոգիական և կապի ենթակառուցվածքները, իսկ «Գիտուժ»-ի հետ համագործակցությամբ մրցանակներ կհանձնի այն դպրոցին և մանկապարտեզին, որոնք ամենաակտիվը կլինեն «Գիտության շաբաթ․ Հայաստան» ապակենտրոնացված միջոցառումներին:
Տելեկոմ Արմենիա ԲԲԸ-ն (ապրանքանիշը՝ Team Telecom Armenia) հայկական ընկերություն է, որը առաջատար դիրք է զբաղեցնում երկրի հեռահաղորդակցության և տեղեկատվական տեխնոլոգիաների ոլորտներում։ Հանդիսանալով Հայաստանում առաջին տելեկոմ ցանցի ժառանգորդը՝ ընկերությունը ունի ոլորտում ծառայությունների մատուցման ավելի քան 100 տարվա պատմություն։ Team-ը տրամադրում է բջջային և ֆիքսված ինտերնետի, թվային հեռուստատեսության, բջջային և ֆիքսված հեռախոսակապի ծառայություններ թե՛ անհատ, թե՛ կորպորատիվ բաժանորդներին։ Հայաստանի բոլոր բնակիչներին բարձրորակ հեռահաղորդակցության ծառայությունների մատուցումը Team Telecom Armenia-ի նպատակն է։ Դրան հասնելու համար ընկերությունն անընդհատ արդիականացնում ու վերազինում է բջջային և ֆիքսված ցանցերը, գործարկում նոր միջազգային կապուղիներ, որոնք նաև բարձրացնում են Հայաստանում ինտերնետի հուսալիության և անվտանգության մակարդակը։
-
10:52 13/05/26Team-ի աջակցությամբ տավուշցի հարյուրավոր աշակերտներ մասնակցել են «Սիմֆոնիկ ԴասA» կրթական ծրագրին -
16:07 22/04/26Բնության հանդեպ հոգատար վերաբերմունքը սկսել ենք մեզնից. Team Telecom Armenia-ն արժանացել է ISO 14001:2015 հավաստագրի
-
10:51 17/04/26Սովորի՛ր, խաղա՛ և հաղթի՛ր. Team-ն ու Koreez-ը առաջարկում են կրթական նոր հնարավորություն
-
10:53 09/04/26Team-ի 2G-ն ամբողջ Հայաստանում փոխարինվել է նոր տեխնոլոգիաներով
-
14:34 13/11/24Երևանում կկայանա Silicon Mountains ամենամյա գագաթնաժողովը -
15:03 06/12/23Հայաստանից ամենաշատ ներբեռնվող հավելվածները. 06/12/2023
-
14:28 05/09/23Հայաստանից ամենաշատ ներբեռնվող հավելվածները. 04/09/2023
-
19:31 22/09/22Level Up միայն ուսանողների համար․ Ucom-ն առաջարկում է ինտերնետի x2 և x3 ծավալ
-
14:19 28/06/22Վիվա-ՄՏՍ. Փոփոխություններ «Ղարաբաղ Տելեկոմ» ցանցում ռոումինգ ծառայության պայմաններում -
19:29 12/10/21Վիվա-ՄՏՍ. «iPhone 13» և «iPhone 13 Pro»-ի վաճառքին մնացել են հաշված օրեր
-
18:58 28/09/20Շարժական կապի օպերատորների համատեղ հայտարարությունը
-
18:57 13/08/20Վիվա-ՄՏՍ. «Լիցք+». այժմ արդեն մինչև 2000 Դ չափով
-
12:15 11/08/192019թ. առաջին կիսամյակում ՀՀ խոշոր հեռահաղորդակցական ընկերությունների մուծած հարկերի ծավալը նվազել է մոտ 23.07%-ով -
16:27 03/05/19Ռոստելեկոմ. նոր առաջարկ՝ երեք ամիս կես գնով
-
13:56 04/12/18Ռոստելեկոմ․ Հայտնի են STARTUP BOOST WEEKEND Vol3 նախագծի հաղթողները
-
16:07 27/09/18Ռոստելեկոմը ռեբրենդինգ է իրականացրել
-
10:18 18/03/26Բովանդակություն ստեղծողների համար Picsart-ը գործարկել է AI-օգնականների մարկետփլեյս -
12:11 14/02/24Picsart-ն ամենաորոնվածն է App Store-ում
-
14:59 02/06/23TalkAround․ Գեներատիվ AI-ը գործնականում. մարտահրավերներ և հնարավորություններ
-
21:00 26/03/23Հայկական Picsart-ը՝ Forbes-ի 14 ուշագրավ ու խելահեղ արհեստական բանականության գործիքների շարքում