![Kaspersky Symphony XDR. նոր հնարավորություններ և բիզնեսի կիբեռանվտանգության կառավարման միասնական կոնսոլ](https://geek.am/pub/uploads/2024/04/symphony-xdr.jpg)
Kaspersky Symphony XDR. նոր հնարավորություններ և բիզնեսի կիբեռանվտանգության կառավարման միասնական կոնսոլ
«Կասպերսկի» ընկերությունը ներկայացնում է Kaspersky Symphony XDR 2.0 նորացված լուծումը: Հիմնական նորամուծություններից մեկը Kaspersky Single Management Platform (SMP) հարթակն է՝ միասնական ինտերֆեյս, որն ապահովում է տեղեկատվության ամբողջական ներկայացում և տվյալների ու գործընթացների կենտրոնացված կառավարում։ SMP հարթակի շնորհիվ Kaspersky Symphony XDR-ում իրագործվել են միջադեպերի արձագանքման գործընթացների ավտոմատացման ճկուն գործիքներ, հետաքննության գրաֆի միջոցով գրոհի ամբողջական պատկերը վերականգնելու հնարավորություն, ինչպես նաև միջադեպերի կառավարման նոր եղանակներ:
Ընկերությունը հայտնում է, որ լուծման նոր տարբերակում ավելացվել է հատուկ գրաֆ, որն օգտագործում է միջադեպերի մասին տեղեկատվությունը, ծանուցումները, իրադարձությունները, EDR-ի տվյալները, Kaspersky Threat Intelligence-ի տվյալները և համատեքստային հարստացումը՝ տարբեր օբյեկտների միջև փոխհարաբերությունները կառուցելու և պատկերելու համար: Միասնական գրաֆը թույլ է տալիս պահպանել հետաքննության առաջընթացը գծապատկերում, որպեսզի օգտատերերը կարողանան կատարել հետաքննության իրենց մասը և հղումը փոխանցել գործընկեր վերլուծաբանին՝ հետագա գործողությունների համար: Տեղեկատվական անվտանգության մասնագետները կարող են խմբագրել գրաֆը, այդ թվում՝ ձեռքով. որոնել բացակայող տարրերը իրադարձությունների որոնման միջոցով և ավելացնել համապատասխանող իրադարձությունները գրաֆի վրա:
Միջադեպերին ավտոմատացված արձագանքն իրականացվում է փլեյբուկերի միջոցով։ Սա պատրաստի և օգտատերերի սցենարների միջոցով հետաքննության և միջադեպերին արձագանքելու գործընթացների ավտոմատացման առաջադեմ ֆունկցիոնալ է։ Փլեյբուկերն օգտագործում են ալգորիթմ արձագանքման գործողությունների հաջորդականությունից, որոնք օգնում են վերլուծել և մշակել միջադեպերը կամ ահազանգերը: Դրանք արագացնում են սովորական գործողությունները, ազատում են անվտանգության մասնագետների ժամանակը՝ ավելի բարդ միջադեպեր ուսումնասիրելու համար, և թույլ են տալիս նվազագույնի հասցնել սխալների քանակը հաճախակի կրկնվող իրավիճակներում՝ բարելավելով միջադեպերի մշակման արագությունն ու ճշգրտությունը:
Միջադեպերի կառավարման hարմար միջերեսի շնորհիվ ՏԱ վերլուծաբանները կարող են տեսակավորել ահազանգերը, հարստացնել տվյալները, նշան դնել միջադեպերին MITRE ATTACK մատրիցի միջոցով և գործարկել արձագանքման գործողություններ: Դա ընդլայնում է ՏԱ թիմերի հնարավորությունները միջադեպերի հայտնաբերման և հետաքննության գործում, բարձրացնում ահազանգերի մշակման արդյունավետությունը, ինչպես նաև նպաստում է համակարգված արձագանքմանը:
SMP-ի մոնիտորինգի վահանակը ՏԱ թիմերին հնարավորություն է տալիս ստեղծել տարբեր կարգավորումներով սեփական վիջեթներ, ինչպես նաև վիջեթներով դասավորություններ՝ իրադարձությունների պահանջվող տեսակների համար:
«Kaspersky Symphony XDR-ը լուծում է այն կազմակերպությունների համար, որոնք ձգտում են իրագործել կիբեռանվտանգության նկատմամբ համապարփակ մոտեցում: Դրա կազմում են սերտորեն ինտեգրված գործիքներ, որոնք թույլ են տալիս ապահովել համապարփակ պաշտպանություն ինչպես զանգվածային սպառնալիքներից, այնպես էլ բարդ թիրախային գրոհներից: Ընդ որում, ընկերությունները չունեն ՏԱ համապատասխան պրոդուկտների ընտրության վրա ռեսուրսներ ծախսելու և դրանք առանձին-առանձին ներդնելու կարիք. Kaspersky Symphony XDR-ը միանգամից բավարարում է կիբեռպաշտպանության ոլորտի բոլոր պահանջմունքները,- մեկնաբանում է «Կասպերսկի» ընկերության Ռուսաստանում և ԱՊՀ երկրներում կառավարիչ տնօրեն Աննա Կուլաշովան:- Մեր լուծման նոր տարբերակը միավորում է ենթակառուցվածքների պաշտպանվածության բարձր մակարդակ ապահովելու համար անհրաժեշտ գործիքների մեծ մասը կառավարման և մոնիտորինգի միասնական միջերեսում: Դա ազատում է ՏԱ թիմերի ռեսուրսները և բարձրացնում է միջադեպերի հայտնաբերման և արձագանքման արդյունավետությունը»:
Kaspersky Symphony XDR-ի մասին մանրամասն տեղեկատվությունը հասանելի է լուծման էջում։
-
11:18 05/09/24Հայկ Եսայան. Հայաստանը Cloud լուծումներ առաջարկելու լուրջ հեռանկարներ ունի
-
14:11 23/08/24Շուրջ 100 000 տնային տնտեսություն օգտվում է Team Telecom Armenia-ի ինտերնետից․ 2-րդ եռամսյակի ցուցանիշներ
-
16:53 15/08/24Team Telecom Armenia-ն դարձել է Գիտության շաբաթվա գլխավոր գործընկերը
-
12:27 31/07/24Թումո ճամբարն ու Team-ը տեխնոլոգիական ամառային փորձառություն նվիրեցին արցախցի պատանիներին
-
15:03 06/12/23Հայաստանից ամենաշատ ներբեռնվող հավելվածները. 06/12/2023
-
14:28 05/09/23Հայաստանից ամենաշատ ներբեռնվող հավելվածները. 04/09/2023
-
19:31 22/09/22Level Up միայն ուսանողների համար․ Ucom-ն առաջարկում է ինտերնետի x2 և x3 ծավալ
-
13:08 29/06/22Ucom. «Ղարաբաղ Տելեկոմի» ցանցում ռոումինգի սակագները վերականգնվում են
-
14:19 28/06/22Վիվա-ՄՏՍ. Փոփոխություններ «Ղարաբաղ Տելեկոմ» ցանցում ռոումինգ ծառայության պայմաններում
-
19:29 12/10/21Վիվա-ՄՏՍ. «iPhone 13» և «iPhone 13 Pro»-ի վաճառքին մնացել են հաշված օրեր
-
18:58 28/09/20Շարժական կապի օպերատորների համատեղ հայտարարությունը
-
18:57 13/08/20Վիվա-ՄՏՍ. «Լիցք+». այժմ արդեն մինչև 2000 Դ չափով
-
12:15 11/08/192019թ. առաջին կիսամյակում ՀՀ խոշոր հեռահաղորդակցական ընկերությունների մուծած հարկերի ծավալը նվազել է մոտ 23.07%-ով
-
16:27 03/05/19Ռոստելեկոմ. նոր առաջարկ՝ երեք ամիս կես գնով
-
13:56 04/12/18Ռոստելեկոմ․ Հայտնի են STARTUP BOOST WEEKEND Vol3 նախագծի հաղթողները
-
16:07 27/09/18Ռոստելեկոմը ռեբրենդինգ է իրականացրել
-
12:11 14/02/24Picsart-ն ամենաորոնվածն է App Store-ում
-
14:59 02/06/23TalkAround․ Գեներատիվ AI-ը գործնականում. մարտահրավերներ և հնարավորություններ
-
21:00 26/03/23Հայկական Picsart-ը՝ Forbes-ի 14 ուշագրավ ու խելահեղ արհեստական բանականության գործիքների շարքում
-
16:48 03/02/23Հայկական Picsart-ն աշխարհի 20 լավագույն հավելվածների շարքում է