Այն փաստը, որ Վիքիպեդիան հագեցած է ցանկացած տեսակի տեղեկատվությամբ և հռչակ է վայելում աշխարհի բոլոր անկյուններում, կասկածի չի ենթարկվում, սակայն ֆրանսիացի ուսանող Օուեն Քոմեքը որոշել է ավելի պատկերավոր տեսք հաղորդել կայքում հրապարակված հոդվածներին՝ դրանցից յուրաքանչյուրն ըստ բովանդակության համապատասխանեցնելով գալակտիկայի աստղերից մեկին: 

Որոշ ժամանակ անց այս մտահղացումը կյանքի կոչվեց WikiGalaxy նախագծի ներքո: Եվ չնայած նախագիծն արդեն իսկ գործարկված է՝ Քոմեքը շարունակում է կատարելագործել այն՝ ավելացնելով նման ֆորմատով հասանելի նյութերի քանակը: Բացի այդ, WikiGalaxy-ն առայժմ ադապտացված է միայն Google Chrome-ի համար (սակայն անթերի աշխատում է նաև Firefox-ում): Սպասվում է, որ հետագայում այն հասանելի կլինի նաև մյուս բրաուզերներում: