Microsoft ընկերության ծրագրավորողները պաշտոնապես ներկայացրել են Skype հաղորդակցման հարթակի վեբ-տարբերակը, որը գործարկելու համար անհրաժեշտ կլինի պարզապես մուտք գործել ծառայության կայք (Skype.com), այնուհետև մուտքագրել ծածկանունն ու գաղտնաբառը: Դա նշանակում է, որ առանց որևէ ծրագիր տեղադրելու անհրաժեշտության օգտատերերը կկարողանան ցանկացած համակարգչից զանգեր իրականացնել: 

Նոր ծառայությունն առայժմ բետա-փորձարկման փուլում է և դրանից կարող են օգտվել միայն հաշված օգտատերեր, սակայն առաջիկա ամիսների ընթացքում Skype-ի վեբ-տարբերակը փորձարկելու հնարավորություն կունենան նաև մյուս օգտատերերը: 

Skype-ի նոր տարբերակը համատեղելի է Internet Explorer, Chrome, Firefox, ինչպես նաև Safari բրաուզերների հետ: Սկզբանական շրջանում ծրագիրն աշխատելու է հատուկ ընդլայնման միջոցով, սակայն ընկերության հավաստամբ՝ որոշ ժամանակ անց դրա անհրաժեշտությունն այլևս չի լինի: