Ոչ մի այլ ընկերություն այնպես չի վայելում Աշխարհի Գավաթը, ինչպես Facebook-ը: Ընկերությունը հայտնել է, որ կայքում ֆուտբոլի հետ առնչվող ավելի քան մեկ միլիարդ միջամտություն կարելի է հաշվել՝ ֆուտբոլի Աշխարհի Առաջնությունը դարձնելով Facebook-ի ողջ պատմության մեջ ամենաքննարկվող իրադարձությունը: 

Այս բոլոր միջամտությունները, որ ներառում են «Like»-երը, մեկնաբանություններն ու գրառումները, իրականացվել են մոտ 220 միլիոն օգտատերերի կողմից, որը կազմում է Facebook-ի բոլոր օգտատերերի ընդամենը 17%-ը: 

Աշխարհի Գավաթին զիջեցին նաև Ձմեռային Օլիմպիական խաղերը: Այս իրադարձության հետ առնչվող՝ 45 միլիոն օգտատերերի կողմից 120 միլիոն միջամտություն է իրականացվել: 

Ֆուտբոլի Աշխարհի Առաջնությունը մեծ ճանաչում է ձեռք բերել նաև ֆուտբոլային աստղերի միջամտությունների շնորհիվ, և խոսքը, մասնավորապես, Բրազիլիայի հավաքականի ֆուտբոլիստների մասին է: 

10 ամենաքննարկվող հրապարակումներից 7-ի հեղինակը 22-ամյա բրազիլացի ֆուտբոլիստ Նեյմարն է: Նրա հրապարակած լուսանկարներից մեկը մոտ 2.5 միլիոն հավանության է արժանացել: