Առաջին հայացքից Extra Verso Grip-ը թվում է որպես հասարակ պլաստիկ շրջանակ, սակայն բավական է անցկացնել այն iPhone-ի վրա և սմարթֆոնը դնել ապակու կամ հարթ մակերևույթ ունեցող որևէ այլ օբյեկտի վրա, անմիջապես նկատելի կդառնա, թե ինչով է այն տարբերվում համանման աքսեսուարներից:

Պատյանը պատրաստված է հատուկ նյութից, որն օժտված է հարթ մակերևույթներին կպչելու հատկությամբ: Այն կարելի է ամրացնել մեքենայի դիմային ապակուն և հանգիստ աշխատել GPS հավելվածի հետ, կամ ընթրիք պատրաստելիս ամրացնել սառնարանին և համապատասխան հավելվածում կարդալ ուտեստի բաղադրատոմսը:

Պատյանը 35 ԱՄՆ դոլարով կարելի է ձեռք բերել արտադրողի պաշտոնական կայքից, բացի այդ, այն հնարավոր է նաև նախշազարդել տարբեր լուսանկարների միջոցով: Այդ ծառայությունն ընկերությունը տրամադրում է անվճար: