«Կասպերսկի» ընկերության լուծումները 2024-ին օրական միջինը 467 հազար վնասաբեր նոր ֆայլ են հայտնաբերել։ Դա 14%-ով գերազանցում է 2023-ի ցուցանիշը։

Վնասաբեր ԾԱ-ի ամենատարածված տեսակ են մնում տրոյացիները, որոնք իրականացնում են օգտատիրոջ կողմից չթույլատրված գործողություններ: Դրանք կարող են այդ թվում գողանալ պահպանված գաղտնաբառերը և այլ գաղտնի տեղեկատվություն, ծածկագրել կամ ջնջել ֆայլերը, բեռնել այլ տրոյացիներ։ Դրանց թիվը 2023-ի համեմատ աճել է 33%-ով։ Նաև 2,5 անգամ ավելացել է դրոպպեր տրոյացիների թիվը. այդ ծրագրերը նախատեսված են զոհի սարք այլ վնասաբեր ծրագրեր աննկատ հասցնելու համար:

Ընկերությունը հայտնում է, որ չարագործների հիմնական թիրախը մնում է Windows-ը. օրական հայտնաբերվող ֆայլերի 93%-ն ուղղված է եղել այդ օպերացիոն համակարգին: Windows-ին ուղղված սպառնալիքների քանակը 2023 թվականից ի վեր նշանակալի աճել է՝ 19%-ով։ Հիմնական սպառնալիքների թոփ-3-ում է MS Office-ի սկրիպտների և տարբեր ձևաչափերի փաստաթղթերի միջոցով վնասաբեր ԾԱ-ի տարածման վեկտորը։ Դրան բաժին է հասել օրական հայտնաբերվող վնասաբեր ֆայլերի 6%-ը։

«Սպառնալիքների թիվը տարեցտարի աճում է, քանի որ չարագործները շարունակում են մշակել վնասաբեր նոր ծրագրեր, օգտատերերին և կազմակերպությունները գրոհելու տեխնիկաներ և մեթոդներ: Մենք արձանագրում ենք վտանգավոր միտումներ, ինչպիսիք են կապալառուների միջոցով գրոհները և մատակարարման շղթայի վրա գրոհները, ներառյալ՝ բաց սկզբնական կոդով ԾԱ-ի վրա (օրինակ՝ բեքդորի ներդրումը XZ՝ սեղմման բաց կոդով տարածված գործիք, որը հաճախ հանդիպում է Linux դիստրիբուտիվներում): Տեղի էին ունենում զանգվածային ֆիշինգային և վնասաբեր արշավներ, որոնք ուղղված էին Telegram-ի և այլ սոցիալական ցանցերի օգտատերերին, աճում էր նաև մոբայլ բանկային տրոյացիների թիվը։ Եվ, իհարկե, չարագործները շարունակել են օգտագործել մեքենայական ուսուցման տեխնոլոգիաները՝ նոր վնասաբեր ծրագրեր ստեղծելու և ֆիշինգային գրոհների արդյունավետությունը բարձրացնելու համար։ Կիբեռսպառնալիքների զարգացող լանդշաֆտի պայմաններում հուսալի պաշտպանական լուծումների օգտագործումը կրիտիկական կարևոր է: «Կասպերսկի»-ի փորձագետները միշտ պատրաստ են դիմակայել նոր և բարդ կիբեռսպառնալիքներին՝ ապահովելով օգտատերերի և կազմակերպությունների անվտանգությունը»,- մեկնաբանում է «Կասպերսկի» ընկերության հակավիրուսային հետազոտությունների լաբորատորիայի ղեկավար Վլադիմիր Կուսկովը:

Անհատական և կորպորատիվ օգտատերերին կիբեռսպառնալիքներից պաշտպանելու վերաբերյալ ընկերության խորհուրդներն՝ այստեղ:

«Կասպերսկի»-ն միջազգային ընկերություն է, որը 1997-ից աշխատում է տեղեկատվական անվտանգության և թվային գաղտնիության ոլորտում: Այսօրվա դրությամբ ընկերությունը պաշտպանել է ավելի քան 1 միլիարդ սարք զանգվածային կիբեռսպառնալիքներից և թիրախային գրոհներից, և նրա կուտակած գիտելիքներն ու փորձը հետևողականորեն փոխակերպվում են նորարարական լուծումների և ծառայությունների՝ ամբողջ աշխարհում բիզնեսի, կրիտիկական կարևոր ենթակառուցվածքների, պետական մարմինների և շարքային օգտատերերի պաշտպանության համար: «Կասպերսկի» ընկերության ընդարձակ պորտֆոլիոն ներառում է վերջնական սարքերի պաշտպանության առաջադեմ տեխնոլոգիաներ, մի շարք մասնագիտացված պրոդուկտներ և ծառայություններ, ինչպես նաև կիբեռիմունային լուծումներ՝ բարդ և անընդհատ զարգացող կիբեռսպառնալիքների դեմ պայքարելու համար: Մենք օգնում ենք ամբողջ աշխարհում 200 հազար կորպորատիվ հաճախորդների պաշտպանել իրենց համար ամենաարժեքավորը: Ավելի մանրամասն՝ www.kaspersky.ru-ում։