Apple Watch «խելացի» ժամացույցի վաճառքը մեկնարկելու է միայն հաջորդ տարվա սկզբին, սակայն արդեն իսկ գոյություն ունեցող նախատիպերից մեկը չի վրիպել լրագրողների ուշադրությունից, և արդյունքում ներկայացվել են այդքան սպասված սարքի ինտերֆեյսի որոշ առանձնահատկություններ: 

Թեպետ տեսանյութի տևողությունը չի գերազանցում երկու րոպեն, այնուամենայնիվ անգամ այդ կարճ ժամանակահատվածում հեղինակներին հաջողվել է ներկայացնել ժամացույցի կառավարման և կարգավորումների բավական հետաքրքիր տարրեր: Կարելի է ենթադրել, որ Apple-ի նոր սարքը թարմ մտահղացումների աղբյուր կդառնա և իր ինքնատիպությամբ կկարողանա առանձնանալ շուկայում արդեն գոյություն ունեցող «խելացի» ժամացույցների լայն տեսականուց: