Virgin Atlantic ավիաընկերությունն աշխատում է ուղևորներին ողջունելու մի նոր համակարգի մշակման վրա: Ընկերությունը մտադիր է օգտագործել Google Glass և Sony's Smartwatch 2 սարքավորումները բարձր դասի ուղևորների գրանցման գործընթացը արագացնելու նպատակով: Heathrow օդանավակայանի անձնակազմը`օգտագործելով այս տեխնոլոգիան, անվանապես ողջունում է ուղևորներին, տրամադրում է չվերթի հետ կապված փոփոխությունների վերաբերյալ տեղեկատվություն և թարգմանում այն ցանկացած լեզվով:

Նոր համակարգի փորձարկումը կտևի վեց շաբաթ, բայց Virgin ընկերությունն արդեն մեծ երազանքներ ունի`կապված այս սարքավորումների օգտագործման հետ: Ավիաընկերությունը հուսով է, որ այդ մեխանիզմով հնարավոր կլինի նաև պարզել, թե ինչ ուտեստներ են նախընտրում ուղևորները: