Categories: Tech

Կասպերսկի. TV box-ի վահանակը վերածել են գաղտնալսող սարքի

Իսրայելական Guardicore ընկերության կիբեռանվտանգության հետազատողներ JJ Lehman-ին և Ofri Ziv-ին հաջողվել է TV box-ի (հեռուստացույցի կցուրդ) վահանակը վերածել գաղտնալսող սարքի: Ինչպես հաղորդում է «Կասպերսկի» ընկերությունը, այդ մասին նրանք պատմել են RSA Conference 2021-ին:

JJ Lehman-ի և Ofri Ziv-ի հետազոտության առարկա է դարձել ԱՄՆ-ում չափազանց տարածված Comcast Xfinity X1 TV box-ի հեռակառավարման վահանակը։ Այն աշխատում է նաև ձայնային հրամաններով, դրա համար այն ունի խոսափող և պրոցեսոր: Բացի այդ, վահանակում գործի են դրված տվյալների փոխանցման երկու տեխնոլոգիաներ՝ ստանդարտ ինֆրակարմիր հաղորդիչ և ռադիոինտերֆեյս՝ տվյալների փոխանցման ավելի բարձր արագության համար: Հետազոտողները կարողացել են ստանալ վահանակի հիմնական ծրագիրը (прошивка), որը պահվում էր TV box-ի կուտակիչում, իսկ դրա ուսումնասիրությունից հետո ձևակերպել, թե ինչ է անհրաժեշտ դրանում փոխել, որպեսզի հնարավոր լինի վահանակին տալ խոսափողը միացնելու և ռադիոյով ձայն փոխանցելու հրաման:

JJ Lehman-ը և Ofri Ziv-ը ուսումնասիրել են ռադիոինտերֆեյսի միջոցով TV box-ի և վահանակի հաղորդակցման և վերջինիս ԾԱ թարմացման մեխանիզմը։ Նրանք պարզել են, որ թարմացման գործընթաց կարող է նախաձեռնել միայն վահանակը։ 24 ժամը մեկ այն TV box-ին հարցում է ուղարկում՝ պարզելու, թե արդյոք իր համար թարմացում կա, և ստանում է կամ բացասական պատասխան, կամ էլ հիմնական ծրագրի նոր տարբերակը տեղադրելու առաջարկ։ Նրանք նաև պարզել են, որ վահանակը հիմնական ծրագրի վավերականությունը որևէ կերպ չի ստուգում: Այսինքն, ինչ հիմնական ծրագիր էլ առաջարկի TV box-ը (կամ էլ ցանցահենի՝ այդպիսին ձևացող համակարգիչը), այն առանց որևէ հարցի կներբեռնի և կտեղադրի ծրագիրը։ TV box-ի հիմնական ծրագրի՝ վահանակի հետ հաղորդակցման համար պատասխանատու մոդուլում բավական հեշտ է սխալ առաջացնել, որից հետո այդ մոդուլն անցնում է վերագործարկման։ Դա գրոհողին տալիս է բավարար ժամանակ, որի ընթացքում վահանակին հրաման է տալու երաշխավորված միայն նա։ Այսպիսով, վահանակը կոտրելու համար անհրաժեշտ է սպասել և «գուշակել», թե երբ վահանակը կուղարկի թարմացումը ներբեռնելու հարցում, դրանից անմիջապես հետո անջատել TV box-ի՝ վահանակի հետ հաղորդակցման համար պատասխանատու մոդուլը, վահանակին տալ դրական պատասխան և ներբեռնման համար ուղարկել վերափոխված ֆայլը։

Արդյունքում՝ հետազոտողները կարողացել են վահանակ ներբեռնել վերափոխված հիմնական ծրագիրը, որը թարմացում ստանալու հարցում էր ուղարկում ոչ թե 24 ժամը մեկ, այլ րոպեն մեկ անգամ, և հատուկ պատասխան ստանալու դեպքում միացնում էր վահանակի մեջ ներկառուցված խոսափողը և ձայնը հեռարձակում գրոհողներին։ Որպես փորձ՝ նրանք հաջողությամբ փորձարկել են մեթոդի աշխատունակությունը համեմատաբար մեծ հեռավորության վրա և պատից այն կողմ՝ տան կողքին կանգնած գաղտնալսման ֆուրգոն նմանակելով:

Հեռուստացույցների և TV box-երի ձայնային հրամանների օժանդակությամբ վահանակների միջոցով գաղտնալսումից պաշտպանվելու համար փորձագետները խորհուրդ են տալիս ստուգել, որ վահանակի մեջ տեղադրվի ամենաթարմ հիմնական ծրագիրը. դրանում խնդիրն արդեն լուծված է: Հարկ է նաև պարբերաբար ստուգել վահանակի թարմացումների առկայությունը և տեղադրել դրանք, երբ դրանք հայտնվում են: Հեռուստացույցի կամ TV box-ի կարգավորումներում համապատասխան կետը, ամենայն հավանականությամբ, կգտնվի Wi-Fi-ի և Bluetooth-ի կարգավորումների կողքին: Եթե օգտատերը չի օգտագործում ձայնային հրամանները, նա կարող է քանդել վահանակը և ֆիզիկապես ազատվել խոսափողից։ Նաև պետք է հաշվի առնել, որ գրոհի շատ ավելի հավանական տարբերակը Wi-Fi ցանցը կոտրելն է։ Հետևաբար, հարկ է կարգավորել դրա անվտանգությունը, բոլոր խոցելի IoT-սարքերը տեղափոխել հյուրերի ցանց, և հատկապես արժեքավոր տվյալների փոխանցման ժամանակ օգտագործել պաշտպանված միացում:

Recent Posts

Վիվա-ՄՏՍ. նորագույն «iPhone 13» մոդելային շարքի սմարթֆոններն արդեն վաճառքում են

Վիվա-ՄՏՍ-ը տեղեկացնում է, որ նոր՝ «iPhone 13» մոդելային շարքի սմարթֆոնները հոկտեմբերի 15-ից կարելի է գնել Վիվա-ՄՏՍ-ում: iPhone 13 Pro Max,…

3 days ago

Ucom-ում պաշտոնապես մեկնարկել է iPhone 13-ի վաճառքը

Սույն թվականի հոկտեմբերի 14-ին, ժամը 23։30-ին, Հյուսիսային պողոտա 1/2 հասցեում տեղակայված Ucom սպասարկման կենտրոնում տեղի ունեցավ Apple ընկերության iPhone 13…

3 days ago

Վիվա-ՄՏՍ. «iPhone 13» և «iPhone 13 Pro»-ի վաճառքին մնացել են հաշված օրեր

Վիվա-ՄՏՍ-ը տեղեկացնում է, որ նոր՝ «iPhone 13» և «iPhone 13 Pro» մոդելները 2021թ. հոկտեմբերի 15-ից կլինեն վաճառքում: Մինչ այդ՝ մոդելները…

6 days ago

Beeline-ում մեկնարկել է iPhone 13-ի նախավաճառքը

Team Telecom Armenia–ն (ապրանքանիշը՝ Beeline) տեղեկացնում է, որ iPhone 13 մոդելի սմարթֆոններրն արդեն հասանելի են նախապատվերի համար: Գրանցել նախապատվերը հնարավոր…

6 days ago

Մեկնարկում է Հայկական ինտերնետ կառավարման 6-րդ համաժողովը

Հոկտեմբերի 8-ին մեկնարկում է Հայկական ինտերնետ կառավարման 6-րդ համաժողովը (ArmIGF 2021), որը կազմակերպել է ՀՀ ինտերնետ կառավարման համաժողով միջգերատեսչական խումբը…

2 weeks ago

ռեԱրմենիա. Միասնական տեխնոլոգիական հարթակ՝ խնդիրներ բարձրաձայնելու, լուծումներ գտնելու և իրագործելու համար

Հայաստանում պատերազմից հետո շատերն են փորձում օգնել մեր երկրին, և տարբեր բարեգործական նախաձեռնությունների թիվն աճում է օր օրի: Գումարներ են…

2 weeks ago