Microsoft-ը Skype հաղորդակցման հարթակի Android տարբերակում մի քանի նոր գործառույթ է ավելացրել, որոնք անկասկած կուրախացնեն օգտատերերին: Նոր 5.2 տարբերակը, որն արդեն հասանելի է Google Play-ում, համալրվել է շատ օգտակար մի ֆունկցիայով, որը հնարավորություն է տալիս լուսանկարներ ուղարկել անգամ այն օգտատերերին, ովքեր տվյալ պահին գտնվում են «offline» ռեժիմում: Բացի այդ, բարելավվել է ֆոնային ռեժիմում ծառայության աշխատանքն ու տեսազանգերի որակը: 

Եթե Ձեր սմարթֆոնում հավելվածն ավտոմատ կերպով չի թարմացվել, ապա կարող եք անել դա ինքներդ: Անհրաժեշտ է անցնել այս հղումով, այնուհետև սեղմել Install: Նշենք, որ ծառայության բազային գործառույթների ներբեռնումը բացարձակապես անվճար է: