Twitter-ը ծրագրում է հավաքել և վերլուծել օգտատերերի սմարթֆոններում առկա հավելվածների վերաբերյալ տվյալները: Այս մասին ասվում է ընկերության տեխնիկական աջակցության ոչ պաշտոնական էջում:

Twitter-ի համոզմամբ՝ տվյալների վերլուծությունը կնպաստի տեղեկատվության և գովազդի ավելի արդյունավետ բաշխմանը: Այս եղանակով ընկերությանը կհաջողվի ձևավորել օգտատերերին իսկապես հետաքրքրող կոնտենտ: 

Հարկ է նշել, որ նոր ֆունկցիան կարելի է ապաակտիվացնել սմարթֆոնի կարգավորումներում: Բացի այդ, նորարարությունը վերաբերում է միայն այն անձանց, ովքեր ավելի վաղ ակտիվացրել էին թիրախային գովազդի գործառույթը, իսկ նման հնարավորություն ունեն միայն iOS և Android օգտատերերը: 

Սոցիալական ցանցը նշել է, որ մարքեթինգի բաժնին հետաքրքրում են միայն այն հավելվածները, որոնք օգտատերը ներբեռնում է: Այլ տվյալներ ընկերության կողմից չեն օգտագործվելու: