Google-ի վերջին քայլերը վկայում են այն մասին, որ ընկերությունն անկեղծորեն հավատում է ձայնային որոնման համակարգերի լուսավոր ապագային և զուր չէ, որ այն հիմնական, իսկ երբեմն միակ փոխազդեցության միջոցն է վերջին՝ Android Wear, Android TV և Android Auto պրոդուկտների հետ: 

Այսօր Google-ը ևս մի նորույթ է առաջարկում իր օգտատերերին: Խոսքը «Ok Google» համակարգի մասին է, որն արդեն գործում է նաև Android-հավելվածների ներսում: Առայժմ կան որոշ սահմանափակումներ, օրինակ՝ համակարգի այս ընդլայնումից կարող են օգտվել միայն անգլերեն ինտերֆեյսով, ինչպես նաև Android օպերացիոն համակարգի Jelly Bean և ավելի բարձր տարբերակներով աշխատող սարքերի օգտագործողները: Սակայն սպասվում է, որ մոտ ապագայում «OK Google»-ն աշխատելու է առանց սահմանափակումների: