Categories: Code

ԵՊՀ-ում տեղի ունեցավ ծրագրավորման միջազգային թիմային ICPC մրցույթի Հյուսիսային Եվրասիայի տարածաշրջանային եզրափակիչ փուլի բացման արարողությունը

Ծրագրավորման միջազգային թիմային ICPC (International Collegiate Programming Contest in Armenia, «ԱյՍիՓիՍի») մրցույթի՝ Հյուսիսային Եվրասիայի տարածաշրջանային եզրափակիչ փուլը կանցկացվի 2022 թ.-ի ապրիլի 13-ին միաժամանակ 5 քաղաքներում՝ Սանկտ Պետերբուրգ, Բառնաուլ, Ալմաթի, Մինսկ և Երևան։ Երևանյան մրցույթի կազմակերպիչներն են Երևանի պետական համալսարանը և CodeSignal («ՔոդՍիգնալ») ընկերությունը։

Մրցույթին ընդառաջ՝ ԵՊՀ-ում տեղի ունեցավ Հյուսիսային Եվրասիայի տարածաշրջանային եզրափակիչ փուլի բացման արարողությունը: Ի դեպ, այս օլիմպիադայում Հայաստանը հանդես է գալիս հենց Հյուսիային Եվրասիայի տարածաշրջանի կազմում, որտեղ մրցում են նաև Ռուսաստանի, Ղազախստանի, ՀՀ հարևան պետությունների, Ղրղզստանի, Ուզբեկստանի, Մերձբալթյան երկրների ներկայացուցիչները։

Մրցույթին մասնակցում է 111 երկիր։ Իր ձևաչափում սա ամենահայտնի ու կարևոր մրցույթն է, որին մասնակցում են աշխարհի ամենահեղինակավոր համալսարանները, օրինակ, Սթենդֆորդի համալսարանը, Մասաչուսեթսի տեխնոլոգիական ինստիտուտը և այլն։

«Այս տարի մեր շանսերը կրկնապատկված են. Հայաստանն օլիմպիադայում կներկայանա լավ պատրաստված, ուժեղ թիմերով։ Հարցն այն է, թե այդ երկուսից որը կանցնի եզրափակիչ։ Կիսաեզրափակչին մասնակցում է 300-ից ավելի թիմ։ Հույս ունենք՝ կունենանք մեդալներ։ Մինչ այս մեր լավագույն արդյունքը 300-ի մեջ եղել է 17-րդը։ Բայց դեռ չի եղել, որ Հայաստանի որևէ թիմ մեդալ ստանա», – ասում է նախկինում այս մրցույթին մասնակցած Ալբերտ Սահակյանը, ով այժմ երևանյան մրցույթի կազմակերպիչ CodeSignal ընկերության ներկայացուցիչն է։

«Բոլոր հեղինակավոր ընկերությունները նախընտրում են այսպիսի օլիմպիականներ ունենալ իրենց աշխատակիցների շարքում։ Այնպես որ, այս մրցույթին մասնակցելը նաև լավ աշխատանք ունենալու շատ մեծ հնարավորություն է ընձեռում։ Եթե ձեր ռեզյումեում գրեք, որ այսպիսի օլիմպիադայում եզրափակիչ եք հասել, ապա խոշոր կազմակերպություններում աշխատանքի ընդունվելու շանսը մեծանում է։ Բացի այդ, մրցույթում առաջադրված խնդիրները լուծելու կարողությունը հնարավորություն է տալիս լուծել նաև բիզնես-խնդիրներ», – նշում է Ալբերտը

ԵՊՀ ծրագրավորման օլիմպիադայի թիմերի մարզիչ, դասախոս Արմեն Անդրեասյանի մարզած թիմերն այս մրցույթին մասնակցում են 2003-ից։ Վերջինս նկատում է՝ ծրագրավորման ոլորտը Հայաստանում զարգացման մեծ ներուժ ունի։

«Կարելի է համարել, որ այս մրցույթը «սպորտային» ծրագրավորման մրցույթ է։ Հաղթում են այն թիմերը, որոնք կազմակերպված ու արագ են աշխատում և իրենց գործը ճշգրիտ են կատարում», – ասում է Անդրեասյանն ու Հայաստանը ներկայացնող թիմերին հաջողություն մաղթում ծրագրավորման ստուգատեսում։

Մրցույթի ընթացքում, բացի տարածաշրջանային փուլի հաղթող 12 մեդալակիրներին որոշելուց, որոշվելու են նաև եզրափակիչ փուլի մասնակիցները։ Եզրափակիչը տեղի է ունենալու 2023 թվականին Եգիպտոսում։

Հիշեցնենք, որ ICPC-ն ծրագրավորման ալգորիթմիկ մրցաշար է՝ նախատեսված ուսանողների համար։ Մրցույթի ընթացքում տարբեր համալսարաններ ներկայացնող թիմերը փորձում են լուծել իրական խնդիրներ՝ զարգացնելով այնպիսի որակներ, ինչպիսիք են համագործակցությունը, ստեղծարարությունը, նորարարությունը և ճնշման տակ աշխատելու կարողությունը: Անընդհատ վարժման և մրցումների միջոցով թիմերը մարտահրավեր են նետում միմյանց՝ հնարավորինս բարձրացնելով նշաձողը։ Այսպիսով, ICPC-ն աշխարհի ամենահին, ամենամեծ և ամենահեղինակավոր ծրագրավորման մրցույթն է։

Recent Posts

Տարբերվի՛ր հայկական հեռախոսազանգով․ Հայաստանի պետական սիմֆոնիկ նվագախումբը և Team-ը նոր նախագիծ են ներկայացրել

Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը և Team Telecom Armenia-ի գլխավոր տնօրեն  Հայկ Եսայանը հայտարարեցին…

11 hours ago

AITC/EIF կենտրոնը Python հիմունքներ դասընթացին ընդառաջ տեղեկատվական հանդիպում կանցկացնի

AITC/EIF կենտրոնը հրավիրում է Python հիմունքներ դասընթացով հետաքրքրվող  անձանց փետրվարի 20-ին ժամը 16։00-ին կայանալիք տեղեկատական օրվան։  Python-ը ամենահայտնի և պահանջարկ…

11 hours ago

Կասպերսկի. Թոփ-մենեջերների և ՏԱ-մասնագետների միջև թյուրըմբռնումը ընկերությունների 62%-ում հանգեցրել է կիբեռմիջադեպերի

«Կասպերսկի» ընկերության գլոբալ հարցման տվյալներով՝ թոփ-մենեջերների կեսից ավելին (62%) ընդունում է, որ տեղեկատվական տեխնոլոգիաների կամ տեղեկատվական անվտանգության բաժնի հետ թյուրըմբռնումը…

16 hours ago

Վիվա-ՄՏՍ. Traction ծրագիրը կներկայացնի 8 ընկերություն՝ դեմո օրվա ընթացքում

Եվրոպական միությունը և Վիվա-ՄՏՍ-ը միավորել են ուժերը «Քաթըլիսթ» հիմնադրամի հետ՝ Հայաստանի ստարտափ ակադեմիայի «Traction» ծրագրի երրորդ շրջափուլի իրագործման նպատակով Հայաստանի…

1 day ago

Team Telecom Armenia. ԱՊՀ-ում բացվեցին տեխնիկապես հագեցած 7 համակարգչային լաբորատորիաներ

Հայաստանի ազգային պոլիտեխնիկական համալսարանի Ալգորիթմական լեզուների և ծրագրավորման ամբիոնում այսօր բացվեցին տեխնիկապես հագեցած 7 լաբորատորիաներ, որոնք ուսումնական գործընթացը կդարձնեն առավել…

6 days ago

Տեղի է ունեցել ԱՏՁՄ տարեսկզբի ասուլիսը

Այսօր Առաջատար տեխնոլոգիաների ձեռնարկությունների միության (ԱՏՁՄ) գրասենյակում տեղի ունեցավ միության տարեսկզբի ասուլիսը ԱՏՁՄ նախագահ Ալեքսանդր Եսայանի և գործադիր տնօրեն Հայկ…

6 days ago