
«Կասպերսկի» ընկերությունն օգնում է Ինտերպոլին պայքարել աֆրիկյան երկրներում կիբեռհանցավորության դեմ
«Կասպերսկի» ընկերությունն Ինտերպոլին տվյալներ է տրամադրել Africa Cyber Surge II գործողության շրջանակներում սպառնալիքների մասին, որը քննիչներին թույլ է տվել բացահայտել կոտրված ենթակառուցվածքը և ձերբակալել սպառնալիքների կատարողներին, որոնք կասկածվում են ամբողջ աֆրիկյան տարածաշրջանում կիբեռհանցագործությունների մեջ:
Ընկերությունը հայտնում է, որ Africa Cyber Surge գործողությունը բազմաթիվ շահագրգիռ կողմերի շարունակական ջանքերն են՝ ուղղված կիբեռհանցավորության դեմ պայքարին և տարածաշրջանի համայնքները պաշտպանելուն: Africa Cyber Surge գործողության առաջին մասը, որին նույնպես մասնակցել է «Կասպերսկի» ընկերությունը, անցկացվել է 2022-ի հուլիսից նոյեմբեր և ավարտվել է սպառնալիք ներկայացնող, աֆրիկյան տարածաշրջանում կիբեռհանցագործությունների հետևում կանգնած անձանց նկատմամբ օպերատիվ և քննչական միջոցառումների շարքով:
Africa Cyber Surge II գործողությունը սկսվել է 2023-ի ապրիլին և տևել չորս ամիս՝ ընդգրկելով աֆրիկյան 25 երկրներ: Ակցիան նախաձեռնել է Ինտերպոլի կիբեռհանցավորության դեմ պայքարի վարչությունը՝ Ինտերպոլի կիբեռհանցավորության դեմ պայքարի աֆրիկյան բաժնի և Աֆրիկյան միությանն Ինտերպոլի աջակցության ծրագրի (ISPA) հովանու ներքո։ Այս ջանքերին աջակցել են նաև Մեծ Բրիտանիայի արտաքին գործերի, համագործակցության և զարգացման նախարարությունը, Գերմանիայի դաշնային արտաքին գործերի նախարարությունն ու Եվրոպայի խորհուրդը:
Մասնավոր հատվածից Ինտերպոլի այլ գործընկերների հետ «Կասպերսկի»-ն միջազգային գործակալությանն է փոխանցել ներթափանցման ցուցանիշներ (IOCs), այդ թվում՝ վնասաբեր կառավարման սերվերներ, ֆիշինգային հղումներ և դոմեններ, ինչպես նաև խարդախների IP հասցեներ: Արդյունքում, Ինտերպոլը հեշտացրել է աֆրիկյան իրավապահ մարմինների միջև համագործակցությունը կիբեռհանցագործների գործունեության հետաքննության և կասեցման գործում, որոնք կասկածվում են կիբեռշորթման, ֆիշինգի, գործարար էլեկտրոնային փոստեր կոտրելու և առցանց խարդախության մեջ:
«Africa Cyber Surge II գործողությունը հանգեցրեց մասնակից երկրներում կիբեռհանցագործությունների դեմ պայքարի բաժինների ամրապնդմանը, ինչպես նաև համագործակցության ամրապնդմանն առանցքային շահագրգիռ կողմերի հետ, ինչպիսիք են համակարգչային արտակարգ իրավիճակներին արձագանքման խմբերը և ինտերնետ ծառայություններ մատուցողները: Դա էլ ավելի կնպաստի կիբեռհանցագործությունների գլոբալ ազդեցության նվազեցմանը և տարածաշրջանում համայնքների պաշտպանությանը»,- ասել Է Ինտերպոլի գլխավոր քարտուղար Յուրգեն Շտոկը:
«Ավելի անվտանգ աշխարհ կառուցելու իր առաքելության մեջ «Կասպերսկի» ընկերությունն արժանին է մատուցում մասնավոր հատվածի, միջազգային իրավապահ մարմինների և ազգային իշխանությունների մասնակցությամբ բազմակողմ համագործակցության կարևորությանը»,- մեկնաբանել է ընկերության հասարակայնության հետ կապերի տնօրեն Յուլիա Շլիչկովան։ – Միայն օգտագործելով մասնավոր և պետական հատվածների միջև արդյունավետ գործընկերության հնարավորությունները, մենք կարող ենք թափ հաղորդել աֆրիկյան տարածաշրջանում կիբեռանվտանգության բնագավառի հետագա ամրապնդմանը՝ երաշխավորելու համար, որ աֆրիկյան երկրները կկարողանան իրականացնել իրենց ակնառու ներուժն առանց խոչընդոտների և կիբեռհանցավորությունից վախենալու»։
-
14:28 05/09/23Հայաստանից ամենաշատ ներբեռնվող հավելվածները. 04/09/2023
-
18:45 02/08/23Համահայկական 8-րդ խաղերը կանցկացվեն Team Telecom Armenia-ի հովանավորությամբ
-
20:52 22/06/23Տեղի ունեցավ Team Telecom Armenia-ի IPO-ն ազդարարող միջոցառումը
-
16:34 19/06/23Krisp-ի և WEB-ի համահիմնադիրները միացել են Team Telecom Armenia -ին` որպես տնօրենների խորհրդի անկախ անդամներ
-
14:28 05/09/23Հայաստանից ամենաշատ ներբեռնվող հավելվածները. 04/09/2023
-
19:31 22/09/22Level Up միայն ուսանողների համար․ Ucom-ն առաջարկում է ինտերնետի x2 և x3 ծավալ
-
13:08 29/06/22Ucom. «Ղարաբաղ Տելեկոմի» ցանցում ռոումինգի սակագները վերականգնվում են
-
17:03 09/02/22Սիրո տոների առթիվ Ucom-ում գործում են զեղչեր մի շարք սարքավորումների վրա
-
14:19 28/06/22Վիվա-ՄՏՍ. Փոփոխություններ «Ղարաբաղ Տելեկոմ» ցանցում ռոումինգ ծառայության պայմաններում
-
19:29 12/10/21Վիվա-ՄՏՍ. «iPhone 13» և «iPhone 13 Pro»-ի վաճառքին մնացել են հաշված օրեր
-
18:58 28/09/20Շարժական կապի օպերատորների համատեղ հայտարարությունը
-
18:57 13/08/20Վիվա-ՄՏՍ. «Լիցք+». այժմ արդեն մինչև 2000 Դ չափով
-
12:15 11/08/192019թ. առաջին կիսամյակում ՀՀ խոշոր հեռահաղորդակցական ընկերությունների մուծած հարկերի ծավալը նվազել է մոտ 23.07%-ով
-
16:27 03/05/19Ռոստելեկոմ. նոր առաջարկ՝ երեք ամիս կես գնով
-
13:56 04/12/18Ռոստելեկոմ․ Հայտնի են STARTUP BOOST WEEKEND Vol3 նախագծի հաղթողները
-
16:07 27/09/18Ռոստելեկոմը ռեբրենդինգ է իրականացրել
-
14:59 02/06/23TalkAround․ Գեներատիվ AI-ը գործնականում. մարտահրավերներ և հնարավորություններ
-
21:00 26/03/23Հայկական Picsart-ը՝ Forbes-ի 14 ուշագրավ ու խելահեղ արհեստական բանականության գործիքների շարքում
-
16:48 03/02/23Հայկական Picsart-ն աշխարհի 20 լավագույն հավելվածների շարքում է
-
11:45 04/07/22Հայաստանի խոշոր հարկատու տեխնոլոգիական ընկերությունները. 2022թ. հունվար-մարտ