Արդեն բոլորիս էլ հայտնի է, որ մոտ ժամանակներս կայանալիք Google I/O կոնֆերանսին մեծ ուշադրություն է հատկացվելու «խելացի» ժամացույցների համար նախատեսված Android Wear ծրագրային հարթակին: Հայտնի է նաև, որ Motorola և LG ընկերությունները մտադիր են ներկայացնել սույն հարթակով աշխատող ժամացույցների նոր տարբերակներ և սպասվող կոնֆերանսը սարքերի շնորհանդեսի համար կարող է դառնալ լավագույն առիթը: 

Լուրեր են պտտվում, որ միջոցառման շրջանակներում Samsung-ը նույնպես ներկայացնելու է արդեն թվով երրորդ «խելացի» ժամացույցը, որն ի տարբերություն նախորդ երկու՝ Gear Fit և Galaxy Gear մոդելների, աշխատելու է Android Wear ծրագրային հարթակով: Ընկերությունն այժմ փորձարկում է Exynos և Qualcomm չիպերը, սակայն դեռևս հայտնի չէ, թե երկու տարբերակներից որը կօգտագործվի ժամացույցում: