Վիրտուալ իրականության տեխնոլոգիաների կայուն զարգացումն անտարբեր չի թողնում և ոչ մի խոշոր ընկերության, այդ թվում՝ Samsung-ին, որը Samsung Gear VR անվանումը գրանցել է որպես ապրանքանիշ:

Սարքի մասին տվյալ պահին հայտնի է միայն, որ այն հագեցած է լինելու OLED դիսփլեյներով և աշխատելու է ընկերության սմարթֆոնների և պլանշեըների հետ համատեղ, ինչպես և Galaxy Gear «խելացի» ժամացույցը: Որոշ աղբյուրներ հայտնում են, որ սաղավարտի մշակման գործընթացում ներգրավված են Oculus Rift-ի հեղինակները, ինչը թույլ է տալիս ենթադրել, որ Samsung Gear VR-ը զրոյից մշակելու անհրաժեշտություն չի առաջանա և առաջիկա ամիսների ընթացքում պաշտոնապես կներկայացվի հանրությանը: