Հոկտեմբերի 4-ին օգտատերերի կողմից ստացված բազմաթիվ բողոքներից պարզ է դարձել, որ Տաջիկիստանի բնակչության համար արգելափակել են աշխարհի խոշորագույն սոցցանցի՝ Facebook-ի մուտքը, ընդ որում այն արգելափակված է երկրի բոլոր ութ ինտերնետ պրովայդերների կողմից: 

Պովայդերներից մեկի ներկայացուցչի հավաստմամբ՝ խնդիրը ոչ թե տեխնիկական, այլ քաղաքական բնույթ է կրում: Վերջինիս կողմից տրամադրված տեղեկատվության համաձայն՝ Facebook-ի արգելափակումը սերտ կապված է հոկտեմբերի 10-ին կայանալիք իշխանության դեմ ցույցի հետ, որի վերաբերյալ քննարկումների գլխավոր հարթակ էր հանդիսանում Facebook սոցիալական ցանցը: