Հյուրանոցների առցանց պատվերների Expedia կայքն այսուհետ Bitcoin-ն ընդունելու է որպես վճարման այլընտրանքային տարբերակ:

Ընկերության փոխնախագահ Մայքլ Գուլմանը նշում է, որ սույն որոշումը կայացվել է միայն մեկ նպատակով, այն է` հաճախորդներին ավելի որակյալ ծառայություններ առաջարկելն ու հյուրանոցներ պատվիրելու գործընթացն ավելի դյուրին դարձնելը:

Համակարգը գործարկելու նպատակով Expedia-ն գործարք է կնքել Սան Ֆրանցիսկոյում հիմնադրված Coinbase սթարթափի հետ:

Bitcoin-ով առցանց վճարում իրականացնելու համար անհրաժեշտ է պարզապես նշել այն որպես վճարման նախընտրելի տարբերակ, այնուհետև լրացնել մի քանի դաշտ և ավարտին հասցնել փոխանցումը: