246
2478
«Արմաթ» կրթական ցանցը շարունակում է ընդլայնվել. նորաբաց «Արմաթ»՝ Նորակերտում

«Արմաթ» կրթական ցանցը շարունակում է ընդլայնվել. նորաբաց «Արմաթ»՝ Նորակերտում

Նորակերտի մշակույթի կենտրոնում համայնքապետարանի աջակցությամբ և Առաջատար տեխնոլոգիաների ձեռնարկությունների միության (ԱՏՁՄ) ջանքերով բացվել է «Արմաթ» ինժեներական լաբորատորիա:

«Արմաթ» ինժեներական լաբորատորիայի բացման հանդիսավոր արարողությանը մասնակցել են Արմավիրի մարզպետ Համբարձում Մաթևոսյանը, մարզը ներկայացնող պատգամավորներ Արգիշտի Մեխակյանը, Նարեկ Մկրտչյանը, ԱՏՁՄ գործադիր տնօրեն Կարեն Վարդանյանը և այլք:

Ողջունելով ներկաներին և շնորհակալություն հայտնելով ինժեներական լաբորատորիայի բացման աջակիցներին` Արմավիրի մարզպետ Համբարձում Մաթևոսյանը կարևորել է ծրագրի նշանակությունը դպրոցականների շրջանում` կրթությունը համարելով հիմնաքար բոլոր խնդիրների լուծման համար: Նա վստահություն է հայտնել, որ «Արմաթ»-ում ձեռք բերված գիտելիքները կօգնեն աշակերտներին նոր գործիքակազմով մոտենալ խնդիրների լուծմանը և իրենց գիտելիքներով նպաստել նաև համայնքի հետագա զարգացմանը: Համբարձում Մաթևոսյանն իր խոսքում նշել է, որ կաջակցի մարզում «Արմաթ» ինժեներական լաբորատորիաների թվի ավելացմանը:

Նորակերտ համայնքի և հարակից բնակավայրերի դպրոցականներն անվճար ինժեներական գիտելիք և ծրագրավորման հիմունքներ կսովորեն «Արմաթ»-ում, կստանան բացառիկ հնարավորութուն մասնակցելու մասնագիտական, խրախուսական և անգամ գործարար միջոցառումների, ծանոթանալ ցանցի մյուս դպրոցականների հետ, համատեղ աշխատել ու նորարար գաղափարներ իրագործել:

Հատկանշական է, որ Նորակերտի «Արմաթ»-ում դասավանդում է «Արմաթի» շրջանավարտ Սեդա Ասատրյանը: Նա սովորել է Այգեկի «Արմաթ»-ում (2013-2017), այժմ էլ՝ ուսանող է. սովորում է Հայաստանի ազգային պոլիտեխնիկական համալսարանի կիբերնետիկայի ֆակուլտետում:

«Արմաթ» ինժեներական լաբորատորիաների ցանցը շարունակում է ընդլայնվել: Այս պահին գործում է 256 խմբակ-լաբորատորիա: Մենք ունենք բազմաթիվ հաջողության պատմություններ՝ երբ արմաթցի շրջանավարտները, սովորելով բուհում, զուգահեռ նաև աշխատում են: Ըստ «Գրանթ Թորնթոն» ընկերության հետազոտության արդյունքների՝ «Արմաթ» շրջանավարտների 84 %-ը ընդունվել է բուհ, նրանց 39 %-ը սովորելուն զուգընթաց նաև աշխատում է», - նշել է ԱՏՁՄ գործադիր տնօրեն Կարեն Վարդանյանը:

«Արմաթ» ինժեներական լաբորատորիաների ցանցը ներդրվում է ԱՏՁՄ-ի կողմից դոնոր կազմակերպությունների և ՀՀ կառավարության օժանդակությամբ: «Արմաթ»-ում ուսուցումն ավճար է: Լաբորատորիաները գործում են Հայաստանի, Արցախի, Ախալքալակի տարածքում: Բանակցություններ են տարվում նաև այն Հնդկաստան, Բանգլադեշ, Եթովպիա, Նամիբիա, Մոնղոլիա, Իսպանիա արտահանելու ուղղությամբ:

Կարճ հասցե: geek.am/u/5827.html
Կարեն Վարդանյան Արմաթ ԱՏՁՄ

Latest News

1 2 3 4 5 >
Ամբողջը` 2791 : Ցուցադրված է` 1 - 15 :

Tech

image

2Hz-ի բարձրորակ լուծումները ներկայացվում են NVIDIA's GTC 2019 կոնֆերանսի շրջանակներում

Արհեստական բանականության (AI) վրա հիմնացված ձայնային կարգավորման տեխնոլոգիաների զարգացող շուկայի առաջատար 2Hz ընկերությունը NVIDIA's GTC 2019 կոնֆերանսի շրջանակներում ներկայացնելու է իր բարձրորակ լուծումները։ 2Hz-ի տեխնոլոգիաները ծառայություններ ...

Code

image

Ծրագրավորման ֆունդամենտալ դասընթացներ

Ալան Թյուրինգի անվան Ծրագրավորման Փիլիսոփայության դպրոցը, Hero House֊ի և Երևանի Գլաձոր Համալսարանի համատեղ սկսում է ծրագրավորման ֆունդամենտալ դասընթաց, որը միտված է համաշխարհային մակարդակի մասնագետներ պատրաստելուն։ Դպրոցի ...

Web

image

Հաքերային հարձակման ենթարկված ՀՀ ԱԺ կայքի թերությունները վերացվել են

Ադրբեջանական հաքերների կողմից հունվարի 26-ին ՀՀ ԱԺ պաշտոնական կայքը ենթարկվել է հարձակման։ «Արմենպրես»-ի հաղորդմամբ՝ այս մասին ֆեյսբուքյան  գրառման միջոցով հայտնել է ԱԺ աշխատակազմի ղեկավարի տեղակալ Արսեն ...

Mobile

image

Ներկայացվել է Oneplus 6T սմարթֆոնը

Չինական Oneplus կորպորացիան ներկայացրել է սմարթֆոնի հերթական մոդելը՝ Oneplus 6T: Սմարթֆոնի հիմնական նորարությունը էկրանին տեղադրված մատնահետքերի սկաներն է։ Սմարթֆոնի էկրանը Optic Super AMOLED է, չափը՝ ...

Business

image

Beeline-ի բաժանորդների թիվը գերազանցել է մեկ միլիոնը

Beeline-ը հայտարարում է մեկ միլիոն բաժանորդների շեմը գերազանցելու մասին: Ընկերության գլխավոր տնօրեն Անդրեյ Պյատախինն այսօրվա ճեպազրույցին լրագրողներին ներկայացրեց ընկերության վերջին ձեռքբերումները և պարգևատրեց 2018 թ-ին ...

Various

image

Beeline. Կապի թանգարանը կրկին բացում է իր դռներն այցելուների համար

Beeline-ի Կապի թանգարանը վերաբացվել է այցելուների համար վերանորոգումից հետո։ Վերաբացված թանգարանի առաջին հյուրերը դարձան Չեխովի անվան միջնակարգ դպրոցի 4-րդ դասարանի աշակերտները։ Նրանց համար կազմակերպվել էր ...

Bloggers

Վահագն Օհանջանյան
Newsmaker Geek
Samvel Chakhalyan
Beeline Armenia
Ինտերակտիվ
Ucom
Vivacell-MTS