252
2501
Armenia Startup Academy-ն ստարտափներին հնարավորություն է տալիս լրացնել բիզնես գիտելիքների պակասը

Armenia Startup Academy-ն ստարտափներին հնարավորություն է տալիս լրացնել բիզնես գիտելիքների պակասը

Շատ է խոսվում այն մասին, որ Հայաստանում ՏՏ ոլորտը բավականին խոստումնալից է, և հենց այստեղ են պատրաստվում ամենամեծ պահանջարկ ունեցող մասնագետները։ Իհարկե, այս ամենը շատ լավ է հնչում, քանի որ Հայաստանը նկարագրող գրավչությունների շրջանակը ևս մեկով լայնանում է։ Այնուամենայնիվ,  ոլորտում դեռևս կան շատ ու շատ խնդիրներ, որոնց լուծումը կարող է դրական ազդեցություն ունենալ երկրի էկոհամակարգի վրա։ 

Խնդիրներից մեկը բիզնես ոլորտն է, որը լուրջ բարեփոխումների կարիք ունի։ Յուրաքանչյուր ստարտափ, ստեղծելով որևէ պրոդուկտ, պետք է մտածի այն իրացնելու մասին։ Գաղափարը կարող է լինել շատ լավը, իսկ դրա մատուցումը՝ թույլ։ Եվ այստեղ է, որ օգնության են գալիս Հայաստանում մի շարք կազմակերպություններ և կրթական ծրագրեր, որոնք ստարտափներին տրամադրում են համապատասխան գիտելիքներ։

EU4Business-ի նախաձեռնությամբ և ֆինանսավորմամբ Հայաստանում արդեն 8 ամիս է գործում է նախաաքսելերացիոն Armenia Startup Academy կրթական անվճար ծրագիրը, որը ստարտափներին հնարավորություն է տալիս ձեռք բերել նոր բիզնես գիտելիքներ։

Կրթական ծրագրի համակարգող Արմինե Գալստյանը մեզ հետ զրույցում ներկայացրեց ծրագրի հիմնական ուղղությունները, առանձնահատկությունները և դիմելու գործընթացը։

- Ո՞րն է եղել Armenia Startup Academy ծրագիրը նախաձեռնելու նպատակը։

- Ծրագրի հիմնական նպատակը Հայաստանի էկոհամակարգի համար ներդրման պատրաստ ստարտափներ պատրաստելն է։ Այն նախաձեռնվել է SmartGateVC  հիմնադիրների կողմից՝ EU4Business-ի աջակցությամբ։ Ծրագրի անհրաժեշտությունն առաջացավ այն ժամանակ, երբ պարզվեց, որ ստարտափները ներդրում ստանալու համար անհրաժեշտ գիտելիքի և հասունության պակաս ունեն։ Մասնավորապես, ստարտափը ճիշտ ներկայացնելու և  ոլորտում կարևոր դերակատարում ունեցող անհատների հետ շփման առումով։

Այս ծրագիրն իրականացվում է Hero House-ում, որը նմանատիպ նախաձեռնությունների համար նախատեսված տարածք է։ Այստեղ ստարտափները հնարավորություն ունեն լայնացնելու իրենց network-ի շրջանակը։

- Քանի՞ փուլերից է բաղկացած ծրագիրը։

 -Այն 12 շաբաթանոց նախաաքսելերացիոն ծրագիր է, որտեղ ստարտափներն անցնում են երեք հիմնական փուլերով՝ ստարտափի դիագնոստիկա, շուկայի հետազոտություն և market validation-ին։ Վերջում նրանց սպասում է Demo օրը, որտեղ նրանք պետք է ներկայանան pitch-երով (pitch – ստարտափի կարճ ելույթ, որտեղ նա ներկայացնում է բիզնես մոդելը, այն թե ինչպես է իրացնելու պրոդուկտը և այլն – խմբ․), որտեղ մենք հրավիրում ենք տարբեր ներդրողների։ Demo-ին սովորաբար հաջորդում են գլոբալ և տարածաշրջանային աքսելերատոր ընդունվելու համար հարցազրույցները։

-Որքա՞ն ժամանակ է գործում ծրագիրը և թվով քանի՞ ստարտափ է ձեզ դիմել։ 

-Ծրագիրն իրականացվում է արդեն 8 ամիս։ Այս ընթացքում ունեցել ենք երկու 12 շաբաթանոց batch (թրգ․ ծրագրաշար –խմբ․) ։ Առաջին batch-ի ժամանակ ընդունել ենք 19 ստարտափ, որոնցից ավարտել է 11-ը։ 2-րդ փուլում ընտրել ենք 18 ստարտափ, որոնցից ավարտել են 13-ը։

Ընդհանուր առմամբ,  ունենք 24 շրջանավարտ։

3-րդ փուլի դասընթացները նախատեսել ենք հոկտեմբերի սկիզբ, դիմումների ընդունման հայտարարությունը կբացվի օգոստոսի վերջ։

- Ձեզ մոտ ծրագիրն անցնելու համար ո՞ր մակարդակում պետք է լինի ստարտափը։

- Մենք հայտարարում ենք օնլայն դիմումների ընդունելություն, որից հետո հրավիրում ենք հարցազրույցի։ Հարցազրույցն անցնում են այն ստարտափները, որոնք ունեն հաստատուն թիմ, գաղափարից անցել են գործնական մասի և ներկայացնում են պրոդուկտի նախատիպը։

- Կոնկրետ ի՞նչ դասընթացներ են ընդգրկված ծրագրում։

-Ծրագրի դասացուցակը կազմված է այնպես, որպեսզի ստարտափները ստանան հենց բիզնես գիտելիքներ։ Ծրագրի շրջանակում բացի դասընթացներից լինում են մեկ մեկու հանդիպումներ սփիկերների հետ տարբեր թեմաներով։

Մենք ունենք նաև entrepreneur assistants, ովքեր 4-5 շաբաթ թրեյնինգային ինտենսիվ ծրագրեր ուսումնասիրելուց հետո, սկսում են ամեն հարցում աջակցել ստարտափներին։ Օրինակ՝ եթե հետազոտության համար անհրաժեշտ է ուսումնասիրել նաև շուկան, ապա մեր entrepreneur assistants-ները կարող են օգնել այդ հարցում։

- ՏՏ և բիզնես ոլորտում ի՞նչ հայտնի մասնագետներ են հրավիրվել։

-Մեզ մոտ սփիկերներ են եղել «Startup Wise Guys» աքսելերատորի գլխավոր տնօրեն Cristobal Alonso-ն, Տոռո Օռեռոն, ով կառավարող գործընկեր է DDF վենչուրային հիմնադրամում և Քրիստին Սոֆրանտ Նտիմը, ով զարգացող աշխարհում ամենազդեցիկ և հսկայական կապեր ունեցող մարդկանցից մեկն է։

Ասեմ նաև, որ նրանց հաճելիորեն զարմացրել է այն փաստը, որ Հայաստանի պես փոքր շուկայում նման բարձրակարգ ստարտափներ կան։

- Ծրագրում ներդրվա՞ծ է ստարտափներին մոտիվացնելու և գնահատելու համակարգ։

-Ծրագրի ընթացքում իրականացնում ենք gamification, որի շրջանակում ստարտափին շնորհում ենք հատուկ միավորներ, նաև խրախուսում ենք թեմատիկ բեյջերով։ Օրինակ՝ եթե ստարտափը պարտաճանաչ հաճախում է բոլոր դասընթացներին, ստանում է ever present,  startup hero բեյջը: Բացի այդ, ամեն առաջադրանք կատարելուց հետո ստարտափը ստանում է որոշակի տոկոսային բոնուսները, որոնք կարող է փոխանակել hero coin-ներով և օգտվել HeroHouse-ում եղած ծառայություններից։

Ամենաշատ միավորները հավքած ստարտափը հնարավորություն է ստացել մեկնելու ԱՄՆ-ի Քալիֆորնիա նահանգում գտնվող  Draper University-ը և անվճար մասնակացելու այնտեղի 10000 դոլար արժողությամբ ծրագրին։

Հայաստանի Ստարտափ Ակադեմիան SmartGateVC-ի հիմնադիրների կողմից ստեղծված Catalyst հիմնադրամի նախաձեռնություններից է։ Այն իրականացվում է Եվրոպական Միության և Գերմանիայի Դաշնային Հանրապետության տնտեսական համագործակցության և զարգացման նախարարության (BMZ) կողմից համաֆինանսավորվող և Գերմանիայի միջազգային համագործակցության ընկերության (GIZ) աջակցությամբ իրականացվող «Աջակցություն ՓՄՁ զարգացմանը Հայաստանում» (EU-SMEDA) ծրագրի շրջանակում։

Կարճ հասցե: geek.am/u/5724.html
Հայաստան Հայաստան Տեղեկատվական Տեխնոլոգիաներ ստարտափ Armenia Startup Academy կրթական ծրագիր EU4Business SmartGateVC Hero House

Latest News

1 2 3 4 5 >
Ամբողջը` 2711 : Ցուցադրված է` 1 - 15 :

Tech

image

Ucom-ի բոլոր հեռուստադիտողները կվայելեն ամենապահանջված հեռուստասերիալների 4 հեռուստաալիքներ

Հոկտեմբերի 11-ից նոյեմբերի 10-ը uTV բոլոր բաժանորդներն, անկախ բաժանորդագրության փաթեթների տեսակից, հնարավորություն ունեն դիտելու ամենապահանջված հեռուստասերիալների 4 հեռուստաալիքները։ Մասնավորապես՝ բաժանորդները կվայելեն Amedia Premium HD, Spike, ...

Code

image

Ինտերնետում հասանելի կայքերի 30%-ի հիմքում Wordpress-ն է

Համացանցային միտումների վերլուծությամբ զբաղվող W3Techs ընկերության հրապարակված տվյալների համաձայն 2018թ. փետրվարի սկզբի դրությամբ համացանցում հասանելի կայքերի 30%-ի հիմքում Wordpress-ն է։ Նշվում է. որ 2015թ. նոյեմբերին ...

Web

image

Հաքերային հարձակման ենթարկված ՀՀ ԱԺ կայքի թերությունները վերացվել են

Ադրբեջանական հաքերների կողմից հունվարի 26-ին ՀՀ ԱԺ պաշտոնական կայքը ենթարկվել է հարձակման։ «Արմենպրես»-ի հաղորդմամբ՝ այս մասին ֆեյսբուքյան  գրառման միջոցով հայտնել է ԱԺ աշխատակազմի ղեկավարի տեղակալ Արսեն ...

Mobile

image

Ucom-ն իջեցրել է Samsung J և S դասի սմարթֆոնների ողջ տեսականու գները

Ucom-ը շարունակում է ամառային գնիջեցման ֆանտաստիկ երթը։ Այս անգամ կտրուկ իջել են Samsung ապրանքանիշի J և S դասի սմարթֆոնների ողջ տեսականու գները, ընդ որում նաև ...

Business

image

Հայաստանի բիզնես հրեշտակների ցանցը նոր ներդրումներ է ներգրավել

Սեպտեմբերի 27-ին «Հայաստանի բիզնես հրեշտակների ցանցը»/BANA/, Եվրոպական միության «Աջակցություն ՓՄՁ զարգացմանը Հայաստանում» ծրագրի աջակցությամբ իրականացրեց վաղ փուլում գտնվող ընկերությունների զարգացմանն ուղղված ներդրումային կոնֆերանսը, որին ներկա ...

Various

image

Beeline. դպրոցականները կուսումնասիրեն արևային էներգիայի կուտակման տեխնոլոգիան

Beeline-ի և Հայաստանի գործատուների հանրապետական միության (ՀԳՀՄ) համատեղ ծրագրի շրջանակում հինգ դպրոցների աշակերտները ծանոթանում են արևի էներգիայի կուտակման և օգտագործման տեխնոլոգիաներին։ Այս դասերը կազմակերպվում և ...

Bloggers

Վահագն Օհանջանյան
Newsmaker Geek
Samvel Chakhalyan
Beeline Armenia
Ինտերակտիվ
Ucom
Vivacell-MTS