Samsung կորպորացիան և ճամպրուկներ արտադրող հանրահայտ Samsonite ընկերությունը համատեղ աշխատում են «Խելացի» ճամպրուկ ստեղծելու ուղղությամբ: Նոր ճամպրուկի ներկայացման ժամկետները դեռևս հայտնի չեն, սակայն համացանցում հայտնվել են տեղեկություններ ճամպրուկի տեխնիկական կողմի մասին:

Լուրերի համաձայն Ճամպրուկի վրա տեղադրված է լինելու GPS մոդուլ, որի միջոցով ճամպրուկի տերը կկարողանա որոշել ճամպրուկի կոորդինատները: Ճամպրուկը նաև ազդանշաններ կտա այն դեպքում, երբ ճամպրուկատիրոջ և ճամպրուկի միջև հեռավորությունը կմեծանա: Ազդանշաններ կտրվեն նաև այն դեպքում, երբ ճամպրուկն առանց թույլատրության կբացվի: Տեղեկություններ կան նաև, որ Samsonite ընկերությունը աշխատում է ինքնագնաց ճամպրուկների ուղղությամբ: