Google-ն իր նոր տեսահոլովակում ամենայն մանրամասնությամբ ցուցադրում է հատուկ մեքենաների համար ստեղծված Android Auto համակարգի հնարավորությունները:

Նախ նշենք, որ Android Auto-ն համատեղելի է միայն Android սմարթֆոնների և պլանշետների հետ: Համակարգն ավտոմեքենայում ներկառուցված դիսփլեյի վրա արտացոլում է օգտատիրոջ սմարթֆոնին եկած զանգերն ու հաղորդագրությունները, ինչպես նաև մի շարք այլ օգտակար ծանուցումներ: 

Android Auto-ն, ինչպես և Google-ի Wear համակարգը, հագեցած է ձայնային կառավարման ֆունկցիայով: Այն կարողանում է կարդալ մուտքային հաղորդագրությունները և, հետևելով օգտատիրոջ ձայնային հրահանգներին, պատասխան նամակներ գրել: 

Համակարգի հնարավորություններին ավելի մանրամասն ծանոթանալու համար առաջարկում ենք դիտել տեսանյութը: