Հայտնվել է Google-ի Project Ara մոդուլային սմարթֆոնի առաջին մրցակիցը: Խոսքը Vsenn սթարթափի մասին է, որը ներկայում զբաղվում է Project Ara սարքի պարզեցված տարբերակի նախագծմամբ: Ի տարբերություն Google-ի մոդուլային սմարթֆոնի՝ Vsenn-ը բաղկացած է լինելու ընդամենը երեք մասից՝ պրոցեսորից, տեսախցիկից և մարտկոցից: 

Նշենք, որ սմարթֆոնն աշխատելու է Android օպերացիոն համակարգի «վանիլային» տարբերակով և թողարկման պահից սկսած չորս տարվա ընթացքում թարմացումներ է ստանալու: Սարքն առայժմ գտնվում է մշակման նախնական փուլում, սակայն հեղինակները տեղում չեն դոփում և շարունակում են կիսվել իրենց հաջողություններով: