Փոլ Երեմենկոյի խոսքերով՝ Google ընկերությունը ծրագրում է նոր առցանց խանութ գործարկել: Այն նման է լինելու արդեն իսկ գործող Google Play խանութին, սակայն հավելվածների փոխարեն նոր խանութում Project Ara մոդուլային սմարթֆոնի բաղկացուցիչ մասեր են վաճառվելու: 

Ընկերության այս նախաձեռնությունն օգտատերերի համար կստեղծի մի հարթակ, որտեղ նրանք հնարավորություն կունենան ծանոթանալու ինչպես արտադրվող մոդուլներիի բուն տեսականուն, այնպես էլ դրանց վերաբերյալ՝ մյուս օգտատերերի կողմից արված մեկնաբանություններին: Նրանցից յուրաքանչյուրը հնարավորություն կունենա ստեղծել սեփական մոդուլները, այնուհետև ներկայացնել դրանք վաճառքի: 

Դեռևս հայտնի չէ, թե ինչպես կգնահատեն արտադրողներն այս նախաձեռնությունը: Հիշեցնենք միայն, որ առաջին մոդուլային սմարթֆոնն, ամենայն հավանականությամբ, թողարկվելու է հաջորդ տարի: