Google ընկերությունը հայտարարել է Google Glass-ի արտադրության դադարեցման մասին: Որոշումը կայացնելու պատճառը գնային հարցերն են և օգտատերերի անձնական տվյալների պաշտպանությունը: Ամերիկյան ընկերությունում, սակայն, հավաստիացրել են, որ խոսքը նախագծի ժամանակավոր դադարեցման մասին է: Կատարելագործված տարբերակի թողարկման ամաթիվը դեռևս հայտնի չէ:

Համացանցի պարունակությունը սմարթ ակնոցի ապակիներին արտացոլող Google Glass-ն առաջին անգամ ցուցադրվել էր 2012 թվականին: Գաջեթը կարելի է կիրառել տեսալուսանկարահանումներ անելու, ինչպես նաև նկարահանված նյութերն էլեկտրոնային փոստով և սոցցանցերով ուղարկելու համար: «Խելացի» ակնոցի միջոցով հնարավոր է նաև տեսաչաթ և օգտակար տեղեկատվության ստացում (եղանակի տեսություն, աշխարհագրական դիրք և այլն):