Business

Արթուր Ջանիբեկյանը և «Սիսայդ Ստարտափ Սամմիթի» համահիմնադիրները մեկնարկում են «Triple S» վենչուրային ֆոնդը

Աշխարհում առաջին ծովափնյա ստարտափ-ճամբարից մինչև գլոբալ վենչուրային ֆոնդ․ հեռուստատեսային պրոդյուսեր, մեդիա մենեջեր, բարերար և ձեռներեց Արթուր Ջանիբեկյանը, «Սիսայդ Ստարտափ Սամմիթի» համահիմնադիրներ՝ Հակոբ Հակոբյանի և Ավագ Սիմոնյանի հետ հիմնել են նոր միջազգային վենչուրային ընկերություն՝ Triple S Ventures-ը:

Triple S-ը ակտիվ գործունեություն է ծավալում Հայաստանում և սփյուռքում։ Ֆոնդը թիրախավորում է ստարտափներին նախասաղմնային (Pre-seed) կամ սաղմնային (Seed) փուլում։ Ներդրումները կենտրոնացված կլինեն արհեստական բանականության (AI), ֆինտեխի (Fintech), SaaS հարթակների, ստեղծարար տնտեսության (Creator economy)  և Blockchain տեխնոլոգիաների ոլորտներում:

TripleS-ի հիմնադիր Արթուր Ջանիբեկյանը վերջին տարիներին արդեն ներդրումներ է կատարել ավելի քան 15 ստարտափներում և հետաքրքրված է նորարարական ստարտափ մշակույթի զարգացմամբ։

«Մեծ ՏՏ ներուժ կա ոչ միայն Հայաստանում, այլև աշխարհասփյուռ հայ երիտասարդության շրջանում։ Ցանկանում ենք բացահայտել երիտասարդ, կենսունակ ձեռներեցների և օգնել նրանց գաղափարները դարձնել իրականություն։ Մեր ներդրումն այս գործում կլինի ոչ միայն ֆինանսական միջոցներ տրամադրելը, այլև մենթորների և մասնագիտական մեծ ցանցերի հետ կապի ապահովումը։

TripleS-ը ստարտափերներին  կառաջնորդի ձեռներեցության աշխարհում։ Մեդիա աշխարհում իմ մեծ փորձառությունը ցույց է տվել, որ մարդկանց և մարդկային ռեսուրսների ընտրության հարցում նուրբ հմտություն և ինտուիցիա ունեմ։ Սա համարում եմ նաև իմ հաջողության հիմնական գրավականներից մեկը։ Սա մեծ բանի փոքր սկիզբն է, համախմբվել է տաղանդավոր մարդկանց հսկայական ներուժ։ Ձևավորվում է հաջողակ ձեռներեցների ակումբ, որոնք իրենց գումարները ցանկանում են ներդնել նորարարական գաղափարներում», – ասում է TripleS-ի հիմնադիր Արթուր Ջանիբեկյանը։

Triple S-ը համախմբելու է միջազգային ձեռներեցների, ներդրողների, փորձագետների և մենթորների, որոնք կբացահայտեն տաղանդավոր երիտասարդներին, կառաջանորդեն նրանց գաղափարները իրագործելու ճանապարհին, կստեղծվի ցանց, որտեղ երիտասարդները կստանան իրավական, մարքեթինգային և ֆինանսական գիտելիքներ ու փորձառություն:

«Մենք ամեն տարի կազմակերպում ենք մասշտաբային ստարտափ միջոցառումներ, ինչպիսին հենց Seaside Startup Summit-ն է։ Տեղական վենչուրային հիմնադրամները, հրեշտակ ներդրողները, ինչպես նաև միջազգային աքսելերացիոն մի շարք ծրագրեր երկար տարիներ է ինչ օգտագործում են այս հավաքը՝ որպես ստարտափներ բացահայտելու աղբյուր։ Այժմ ֆոնդը ստեղծում է հարթակ, որը համախմբելու է էկոհամակարգի բոլոր հաջողակ ձեռներեցներին, որոնց աշխատանքի առանցքում մարդն ու մարդու ստեղծած արժեքն է», – նշում է TripleS-ի համահիմնադիր Հակոբ Հակոբյանը։

«Վերջին 5 տարիներին հայաստանյան ստարտափ էկոհամակարգում տեղի են ունենում հիպերակտիվ փոփոխություններ և կարևոր է, որ արդեն հաջողակ ձեռներեցներն առաջնորդություն ստանձնեն նոր ստարտափների կարողությունների զարգացման ճանապարհին։ Մեր ֆոնդը  կարևորում է ներդրումները մասշտաբային և խոստումնալից նախագծերի մեջ: Ներդրումներ ենք անելու թե միջազգային, թե հայկական ընկերություներում։ Հիմնադրամը կաջակցի այն ստարտափներին, ովքեր արժեք կավելացնեն և կնպաստեն հայկական բարձր տեխնոլոգիական էկոհամակարգի զարգացմանը», – մեկնաբանում է TripleS-ի համահիմնադիր Ավագ Սիմոնյանը։

«Ֆոնդում միավորել ենք հաջողության հասած մեր փորձառու ձեռներեց-գործընկերներին, ովքեր միջազգային տեխնոլոգիական աշխարհում մեծ փորձ ունեցող գուրուներ են։ TripleS-ում խոստումնալից թիմերը օգտվելու են այն հմտություններից, գիտելիքներից և փորձից, որը կուտակել ենք տարիների ընթացքում, ինչն էլ հնարավորություն կտա այդ ստարտափներին զարգանալ արագ տեմպերով»,- ասաց ֆոնդի գործընկեր Զարե Բաղդասարյանը։

Triple S-ը մոտ օրերս կմեկնարկի նաև ԱՄՆ-ում՝ հարավային Կալիֆորնիայում։ Հետագայում նախատեսվում է ընդլայնվել ԵՄ և Մեծ Բրիտանիայի շուկաներում: Վենչուրային ֆոնդը բաց է նոր առաջարկների ու համագործակցությունների համար։

Հիմնադրամի պաշտոնական կայքը https://triples.vc/en

Recent Posts

Viber. Առցանց հաղորդակցության միտումները

Մարդիկ ավելի ու ավելի շատ են սմարթֆոնների միջոցով հաղորդակցվում շրջապատող աշխարհի հետ։ Գնումները, լուսանկարելը, հանգստավայրի ընտրությունը, նորություններին ծանոթանալը և, իհարկե, հաղորդակցվելն այսօր ամենից հաճախ…

3 days ago

Level Up միայն ուսանողների համար․ Ucom-ն առաջարկում է ինտերնետի x2 և x3 ծավալ

Մինչև 2022 թվականի դեկտեմբերի 31-ը ցանկացած ուսանող, ով Ucom-ի նոր կամ գործող բաժանորդ է, կարող է միանալ Level Up 3000…

7 days ago

Կասպերսկի. Չարագործները կտրուկ ակտիվացրել են ռեսուրս արդյունահանող ընկերություններում ներդրումների թեմայի առցանց շահագործումը

«Կասպերսկի» ընկերությունը գրանցել է բնական ռեսուրսներում ներդրումներից եկամտի խոստումներով կեղծ կայքերի թվի կտրուկ աճ. 2022-ի հուլիս-օգոստոսին ընկերությունը 5,5 անգամ ավելի…

1 week ago

Հայաստանի օպերայի և բալետի ազգային թատրոնը ու «Kaspersky Symphony»-ն հայտարարում են համագործակցության մեկնարկի մասին

Հայաստանի օպերայի և բալետի ազգային թատրոնը և «Կասպերսկի» ընկերությունը՝ ի դեմս «Kaspersky Symphony» լուծումների շարքի, հայտարարում են համագործակցության մեկնարկի մասին։…

1 week ago

2022 թ․-ի ամռանը Viber-ը Հայաստանում արգելափակել է ավելի քան 25 հազար կեղծ հաշիվ

Rakuten Viber-ը հատուկ ուշադրություն է դարձնում տվյալների գաղտնիությանը և անվտանգ հաղորդակցության խնդրին։ Բացի մեսենջերի հիմնական գործառույթների ծայրից ծայր (End-to-End) կոդավորումից,…

2 weeks ago

Դեկտեմբերի 10-16-ը Հնդկաստանում կացկացվի SSSholidays-ը

Դեկտեմբերի 10-16 Սևան Ստարտափ Սամմիթի կազմակերպիչների նախաձեռնությամբ Հնդկաստանի Գոա մարզում անցկացվելու է SSSholidays միջոցառումը։ SSSholidays-ը Seaside Startup Summit-ի նոր ձևաչափերից…

1 month ago