Չինական Weibo սոցիալական ցանցում հրապարակվել է Apple iPad Plus հսկայական պլանշետի առաջին մանրամասն նկարագիրը: Ըստ ցանցի տվյալների՝ սարքն ունենալու է 2K թոյլատրությամբ էկրան և մոտավորապես 7 մմ կորպուսի հաստություն: Պլանշետի քաշը կազմելու է 700 գրամ: iPad Plus-ի վաճառքն, ամենայն հավանականությամբ կմեկնարկի առաջիկա մի քանի ամսվա ընթացքում: 

Նոր պլանշետի համար կմշակվի նաև հատուկ պատյան, որը կպաշտպանի այն ֆիզիկական վնասվածքներից: Այս ամենի հետ մեկտեղ iPad Plus-ի հետ թողարկվելու է նաև ստիլուս, որի մասին ավելի վաղ արդեն գրել ենք: 

Պլանշետի թողարկման հստակ ամսաթիվն առայժմ հայտնի չէ, սակայն ենթադրվում է, որ այն հասանելի կլինի այս տարվա երկրորդ եռամսյակում: