Ֆուտբոլի Աշխարհի առաջնության ընթացքում Բրազիլիայի ազգային հավաքականը ավելի քան 60 միլիոն հավանությունների և մեկնաբանությունների է արժանացել Instagram-ում: Սոցիալական ցանցում 10 ամենաճանաչված ֆուտբոլիստներից 7-ը հենց Բրազիլիայի հավաքականի ներկայացուցիցչներն են:

Ամենաշտ հետևորդներ ունեցող խաղացողների ցանկի առաջատարը ոչ այլ ոք է, քան բրազիլացի հարձակվող Նեյմարը, ով բաց թողեց թիմի վերջին խաղը, քանի որ Կոլումբիայի հետ հանդիպման ժամանակ ողնաշարի լուրջ վնասվածք էր ստացել: Հենց այս ֆուտբոլիստն է հանդիսանում ամբողջ մրցաշարի ընթացքում Instagram-ում տեղադրված ամենաճանաչված երեք լուսանկարների հեղինակը: 

Ոչ մի ուրիշ ֆուտբոլիստի մեկ նկարի «Like»-երի քանակը չի գերազանցել միլիոնի սահմանը, իսկ Նեյմարի լուսանկարն ավելի քան 1.31 միլիոն հավանության է արժանացել: 

Առաջնության եզրափակիչ խաղում Բրազիլիայի հավաքականը հանդես է գալու միայն դիտորդի դերում: Հուսով ենք՝ Instagram-ի հսկայական թվով հետևորդները կկարողանան մեղմել ֆուտբոլիստների ցավը: