Աշխարհի Գավաթը կրկին օգնեց Twitter-ին գերազանցել սեփական ռեկորդը: Երեկ տեղի ունեցած Բրազիլիա-Գերմանիա դրամատիկ հանդիպումը 35.6 միլիոն թվիթի առիթ է դարձել: Այս ցուցանիշը գերազանցել է նախորդ ռեկորդը, որը սահմանվել էր երկու շաբաթ առաջ՝ Բրազիլիա-Չիլի խաղից հետո: Նախորդ ռեկորդային ցուցանիշը 16.4 միլիոն թվիթն էր: 

Բրազիլիայի կրած պարտությունն իրոք որ ջախջախիչ էր: Խաղի առաջին 30 րոպեների ընթացքում հաշիվը դարձավ 5-0 հօգուտ Գերմանիայի, իսկ ավարտվեց այն 7-1 հաշվով՝ Գերմանիայի փայլուն հաղթանակով: 

Ըստ Twitter-ի հաշվարկների՝ Սամի Խեդիրայի՝ խաղի 29-րդ րոպեին խփած գոլը մեկ րոպեում 580,166 թվիթի է արժանացել և կրկին գերազանցել նախորդ խաղում սահմանված ռեկորդը (382,000 թվիթ մեկ րոպեում):