374
21
2808
«Հեքըթոն [ՅԱՆ] մանկություն 2015» մրցույթը կայացավ․ հաղթողները հայտնի են

«Հեքըթոն [ՅԱՆ] մանկություն 2015» մրցույթը կայացավ․ հաղթողները հայտնի են

Դեկտեմբերի 12-13-ը կայացավ «Հեքըթոն [ՅԱՆ] մանկություն 2015» մրցույթը, որն այս տարի առաջին անգամ անցկացվեց Վանաձորում՝ Ստեփան Զորյանի անվան թիվ 22 դպրոցում:

Մասնակից թիմերը, որոնք հիմնականում կազմավորված էին ծրագրավորողներից, ընդամենը 24 ժամում մշակեցին և ժյուրիին ներկայացրեցին իրենց գաղափարները և առաջարկվող ծրագրի, հավելվածի նախատիպը (ցուցադրական տարբերակը): Միջոցառմանը մասնակցեց շուրջ 250 երիտասարդ Երևանից, Գյումրիից, Վանաձորից և ՀՀ այլ քաղաքներից:

Փոքր և միջին բիզնեսների առօրյան հեշտացնող լավագույն լուծման համար «Մայքրոսոֆթ ինովացիոն կենտրոնի» կողմից մրցանակի է արժանացել Discount manager թիմը: Վերջինիս առաջարկած հավելվածը օգտատերին տեղեկացնում է մոտակայքում գտնվող խանութներում գործող զեղչերի մասին։ Մրցանակը 400 հազ. դրամ է, բացի այդ թիմը կստանա տեխնոլոգիական և բիզնես աջակցություն՝ իրենց գաղափարը բիզնեսի վերածելու համար։

Մրցույթի գլխավոր աջակիցներ Համաշխարհային բանկի և Ձեռնարկությունների ինկուբատոր հիմնադրամի սահմանած հատուկ մրցանակը՝ 400 հազ. դրամը, տրամադրվել է Instahire թիմին՝ սոցիալական ներառում (social inclusion) պարունակող նորարար լուծման համար։ Թիմը ստեղծել է առցանց հարթակ, որի միջոցով գործատուները կարող են գտնել աշխատակիցներ։

«Հեքըթոնը դարձել է ծրագրավորման ոլորտի ամենասպասվող և կարևոր միջոցառումներից մեկը: Կարծում եմ՝ այս տարի ևս Հեքըթոնյանը կայացավ ու հաջողվեց: Վստահ եմ, որ միջոցառումը մասնակիցների համար կլինի սկիզբ՝ իրենց ընկերությունների ստեղծման համար: Այս երիտասարդները հանգիստ կարող են իրենց ապագան կապել տեխնոլոգիական ոլորտի հետ, քանի որ Հայաստանում աներևակայելի իրադարձություններ են կատարվում, մենք ունենք սկսնակ ընկերություններ, որոնք աշխարհում առաջատար դիրքեր են գրավում»,-նշեց Ձեռնարկությունների ինկուբատոր հիմնադրամի տնօրեն Բագրատ Ենգիբարյանը:

«Հեքըթոն[ՅԱՆ] մանկություն 2015» մրցույթի անցկացմանն աջակցել է «ԱրմենՏել ընկերությունը» (Beeline ապրանքանիշով): Ամբողջ մրցույթի ընթացքում թիմերը կարողանում էին աշխատել իրենց նախագծերի վրա՝ օգտվելով ընկերության տրամադրած ինտերնետից։

«ԱրմենՏել ընկերության» կողմից սահմանված 3 մրցանակներին արժանացել են Mergeify, Game engine և Stereo TV թիմերը: Mergeify-ը ներկայացրել էր ծրագրային հավելված, որը հնարավորություն էր տալիս ցանկացած նախադասության համար ստեղծել տեսահոլովակ՝ օգտագործելով համացանցում առկա տեսանյութերը։ Game engine թիմը ստեղծել է հետաքրքիր խաղ, իսկ Stereo-TV թիմին հաջողվել էր ստեղծել մոբայլ հավելված, որի միջոցով հնարավոր էր միավորել երկու տեսանյութեր եւ ցուցադրել մեկ էկրանի վրա։
Mergeify-ն արժանացել է նաև ԱՄՆ դեսպանատան կողմից խրախուսական մրցանակի՝ստանալով Kindle:

Հանրային լրագրության ակումբը Հեքըթոն[ՅԱՆ]-ի ամենակրտսեր մասնակիցներին՝ 14-ամյա Հենրիկ Ամիրբեկյանին և Գարեգին Աբովյանին, ԱՄՆ դեսպանատան անունից հանձնել է խրախուսական մրցանակ՝ Apple-ի հիմնադիր Սթիվ Ջոբսի կենսագրականը գրքերը:

Մրցանակաբաշխության ընթացքում նաև նշվել է, որ հաշվի առնելով այն, որ Knight-Mozilla OpenNews հիմնադրամի կողմից սահմանված անվանակարգին համապատասխանող լուծման արդյունավետ տարբերակ չառաջարկվեց, Հանրային լրագրության ակումբը հաղթող թիմերի հետ կրկին հանդիպելուց և ծրագրերին մանրամասն ծանոթանալուց հետո կընտրի և հիմնադրամի անունից մրցանակ կհանձնի առավելապես համապատասխանող թիմին:

Պատահական չէր ընտրված նաև միջոցառման անցկացման վայրը: Առհասարակ ամեն տարի Հեքըթոնյանն առանձնանում է անցկացման հետաքրքիր վայրով՝ քաղաքապետարան, օդանավակայան և այլն: Նախորդ տարի մրցույթն առաջին անգամ կազմակերպվեց Երևանից դուրս՝ Գյումրու տեխնոլոգիական կենտրոնում: Այս տարի Հեքըթոն[ՅԱՆ]-ը Վանաձորում էր, ինչը մեծապես կնպաստի մարզի երիտասարդության մոտ ՏՏ կրթության և նորարության ուղղությամբ հետաքրքրության բարձրացմանը և ընդհանուր տեխնոլոգիական զարգացման խթանմանը:
«Շատ ուրախ եմ, որ մեր քաղաքը նմանատիպ միջոցառումներ է հյուրընկալում: Մենք շատ ենք ցանկանում, որ Վանաձորը դառնա Հայաստանի տեխնոլոգիական քաղաքներից մեկը: Հարզարավոր մարդիկ աշխատանք են փնտրում, բայց մյուս կողմից հազարավոր աշխատատեղեր կան, հատկապես տեխնոլոգիական ոլորտում: Այդ իսկ պատճառով բոլորին կոչ եմ անում սովորել ծրագրավորում»,-մրցանակաբաշխության ժամանակ մասնակիցներին դիմեց Ազգային ժողովի պատգամավոր Էդմոն Մարուքյանը:

«Այս երիտասարդները մի մեծ ընտանիք են մուտք գործում՝ Հայաստանի ՏՏ համայնքը, որն աճող և կարևոր համայնք է: Ես կարծում եմ, որ հայ ժողովրդի փրկությունն իր տեխնոլոգիական ոլորտում է»,- Խաչիկ Բադեյանը։

«Հեքըթոն[ՅԱՆ] մանկություն 2015» մրցույթը կազմակերպվեցին Մայքրոսոֆթ ինովացիոն կենտրոն Հայաստանը, Ձեռնարկությունների ինկուբատոր հիմնադրամը, Մայքրոսոֆթ ԱրԷյ-ը, Հանրային լրագրության ակումբը,  Վանաձորի տեխնոլոգիական կենտրոնը` Համաշխարհային բանկի, ՀՀ Էկոնոմիկայի նախարարության, Արմենտել ՓԲԸ-ի (Beeline ապրանքանիշով), Knight-Mozilla OpenNews-ի, Վանաձորի N17 և 5 ավագ դպրոցների և ggTaxi-ի աջակցությամբ։

Կարճ հասցե: geek.am/u/5186.html
Հայաստան Հայաստան Մրցույթ «Հեքըթոն [ՅԱՆ] մանկություն 2015»

Latest News

1 2 3 4 5 >
Ամբողջը` 2574 : Ցուցադրված է` 1 - 15 :

Tech

image

Samsung-ը ճկվող էկրանով սմարթֆոն է ցուցադրել

Լաս Վեգասում կայացած CES-2018 ցուցահանդեսի ավարտից անմիջապես առաջ Samsung կորպորացիան ցուցադրել է Galaxy X գաղտնի սմարթֆոնը։ Ցուցադրությունը կազմակերպվել է սահմանափակ թվով հյուրերի համար։ Հյուրերին չի թւյլատրվել ...

Code

image

Apple-ը հրապարակել է 2017թ. ամենաշատ ներբեռնված հավելվածների ցուցակը

Apple կորպորացիան հրապարակել է App Store և iTunes հարթակներից 2017թ.-ի ամենաշատ ներբեռնումներ ունցող հավելվածների ցուցակը։ 2016թ.-ի համեմատ տեղի է ունեցել առաջատարի փոփոխություն։ 2017թ.-ին առաջատարն է ...

Web

image

Ավելի արագ և հասանելի Facebook՝ Ռոստելեկոմի բաժանորդների համար

«Ռոստելեկոմ»-ը հայաստանյան օգտատերերի համար նորանոր տեխնոլոգիական լուծումներ է գործարկում՝ բարձրացնելով ամենահաճախ օգտագործվող ռեսուրսների հասանելիությունն ու ցանցի արագագործությունը։Ընկերությունը Ֆեյսբուք սոցիալական ցանցի հետ կնքված համաձայնագրի արդյունքում «Ռոստելեկոմ»-ի ...

Mobile

image

ՎիվաՍել-ՄՏՍ. գնեք iPhone X և ստացեք նվեր գեղեցիկ համար

ՎիվաՍել-ՄՏՍ-ը տեղեկացնում է, որ դեկտեմբերի 1-ից ՎիվաՍել-ՄՏՍ-ի սպասարկման կենտրոններում* հնարավոր է գնել նոր iPhone X` 64 ԳԲ հիշողությամբ և ստանալ գեղեցիկ համար: iPhone-ի նոր դարաշրջանի այս ...

Business

image

Beeline. բաժանորդները կարող են 4G կապից օգտվել 39 երկրում

Այս տարի ամանորյա տոների շրջանում Beeline-ի բաժանորդները ճանապարհորդելիս արդեն 39 երկրներում կարող են օգտվել 4G կապից։ Այդ թվում 4G կապը հասանելի է դարձել Հունաստանում, Կիպրոսում, ԱՄԷ-ում, ...

Various

image

Ռոստելեկոմ. Իվանա Չաբբաքը Հայաստանում՝ վարպետության հատուկ դասընթաց

Դեկտեմբերի 22-ին Գ․Սունդուկյանի անվան թատրոնի դահլիճում հայաստանյան ունկնդիրներին ներկայացավ աշխարհահռչակ Իվանա Չաբբաքը․ հոլիվուդյան հայտնի մասնագետի վարպետության դասը հատուկ հայ հանդիսատեսի համար անցկացվեց ինտերակտիվ ֆորմատով։ Իվանա Չաբբաքի ...

Bloggers

Վահագն Օհանջանյան
IT Job
Newsmaker Geek
Samvel Chakhalyan
Beeline Armenia
ITJobs am
Bang2Joom
Ինտերակտիվ
Ucom
Mobidram