374
21
2808
Apple-ը դիտարկում է iWatch-ի լիցքավորման երեք տարբերակ

Apple-ը դիտարկում է iWatch-ի լիցքավորման երեք տարբերակ

iWatch-ի մշակման գործընթացի ամենակարևոր և ակնհայտ խնդիրներից մեկը դրա աշխատանքի տևողությունն է: Apple-ի աշխատակիցներն այժմ ակտիվ աշխատանքներ են տանում սարքավորման աշխատանքի տևողության երկարացման ուղղությամբ և այդ կապակցությամբ նրանք մի քանի հնարավոր տարբերակներ են դիտարկել:

Ինչպես նշում է The New York Times-ը, Apple-ը iWatch ''խելացի'' ժամացույցների լիցքավորման երեք տարբերակ է դիտարկում: Ընկերությունը դեռևս հակված է լիցքավորումն իրականացնել ինդուկցիոն անլար մեթոդով: Մագնիսական ինդուկցիան թույլ կտա առանց որևէ լարի միացման, հատուկ հարմարանքի միջոցով լիցքավորել սարքավորումը: Այս պարագայում, այնուամենայնիվ, օգտատերը ստիպված է լինելու ձեռքից հանել smart watch-ը:

Apple-ում քննարկվում է լիցքավորման հնարավոր ևս երկու տարբերակ, դրանք են` արևային մարտկոցն ու կինետիկ լիցքավորումը: Այս երկու տարբերակներն էլ այս կամ այն տեսքով օգտագործվում են սպառողական սարքավորումներում, իսկ կինետիկ լիցքավորումն արդեն բավականին երկար ժամանակ է, որ գործածվում է ժամացույցներում: Խնդիրն այն է, որ նման բարդ էլեկտրական սարքավորման պարագայում երկու տարբերակներն էլ դեռևս ի վիճակի չեն լինի հաղթահարելու իրենց առաջ դրված խնդիրները: Apple-ին թերևս մի քանի տարի էլ անհրաժեշտ կլինի, որպեսզի կարողանա նման տեխնոլոգիաներ ապահովել օգտատերերի համար:

Արդեն բավականին երկար ժամանակ է, ինչ Apple-ը փորձում է երկարացնել իր թողարկած սարքավորումների աշխատանքի տևողությունը և, պետք է նշել, որ բազմաթիվ փորձերից ամենահաջողվածը Intel-ի հետ համագործակցությունն էր, որի Haswell սերնդի պրոցեսորներն անհամեմատ երկարացրեցին MacBook Air-ի և MacBook Prօ-ի աշխատանքի տևողությունը:

Արևի էներգիայի հանդեպ ունեցած Apple-ի հետաքրքրությունը հաստատել է iPod-ի հեղինակ և Google-ի ներկայիս աշխատակից Թոնի Ֆադելլը:

Այսպիսով, ի հայտ եկավ ևս մի պատճառ, որպեսզի անհամբեր սպասենք iWatch-ի թողարկմանը և տեսնենք, թե վերը նշված տարբերակներից Apple-ը որն է ի վերջո գերադասել:

Կարճ հասցե: geek.am/u/3224.html
Apple Intel Apple Intel iPod iWatch

Latest News

1 2 3 4 5 >
Ամբողջը` 2654 : Ցուցադրված է` 1 - 15 :

Tech

image

Ucom․ Այսուհետ հեռուստադիտողները կվայելեն Viasat ընտանիքի հեռուստաալիքները

Հունիսի 15-ից հուլիսի 15-ը U!TV բոլոր բաժանորդներն, անկախ բաժանորդագրության փաթեթների տեսակից, հնարավորություն ունեն դիտելու Viasat ընտանիքի ամենապահանջված հեռուստաալիքները։ Մասնավորապես՝ բաժանորդները կվայելեն ViP Premiere HD, ViP ...

Code

image

Ինտերնետում հասանելի կայքերի 30%-ի հիմքում Wordpress-ն է

Համացանցային միտումների վերլուծությամբ զբաղվող W3Techs ընկերության հրապարակված տվյալների համաձայն 2018թ. փետրվարի սկզբի դրությամբ համացանցում հասանելի կայքերի 30%-ի հիմքում Wordpress-ն է։ Նշվում է. որ 2015թ. նոյեմբերին ...

Web

image

WhatsApp-ի հիմնադիրները 1.3 մլրդ դոլար են կորցրել՝ դուրս գալով Facebook-ից

WhatsApp-ի հիմնադիրների՝ Facebook-ից դուրս գալու պատճառները կապված են մեսենջերի մոնետիզացիայի վերաբերյալ տեսակետերի տարբերության հետ։ WhatsApp-ի հիմնադիրներ Յան Կումը և Բրայան Էկտոնը դուրս են եկել Facebook-ից՝ կորցնելով ...

Mobile

image

ՎիվաՍել-ՄՏՍ-ը ներկայացրել է «X» և «Y» սակագնային պլանները

Սմարթֆոնների ու բջջային հավելվածների օրըստօրե ավելացող թիվն արմատապես փոխել է հեռահաղորդակցության ոլորտը: Եթե առաջ մարդիկ բջջայինն օգտագործում էին միայն ձայնային և SMS ծառայություններից օգտվելու համար, ...

Business

image

Beeline. կանցկացվի հոբելյանական «3-րդ սերունդ» ստաժավորման ծրագիրը

Beeline-ը հայտարարում է 10-րդ հոբելյանական «3-րդ սերունդ» ստաժավորման ծրագրի անցկացման մասին։ Ծրագրի նպատակն է ընկերություն ներգրավել լավագույն երիտասարդ կադրեր։ Ծրագրին մասնակցելու համար կարող են դիմել բարձր ...

Various

image

Beeline. բարելավվում են աշխատանքի ընդունման գործընթացները

Beeline-ը հայտարարում է մարդկային ռեսուրսների կառավարման ժամանակակից և թվային մեթոդների ներմուծման մասին։ Մասնավորապես, աշխատանքի ընդունվելու համար նախնական հարցազրույցն արդեն կարելի է անցնել վիդեո տարբերակով՝ ընկերության կայքի ...

Bloggers

Վահագն Օհանջանյան
Newsmaker Geek
Samvel Chakhalyan
Beeline Armenia
Ինտերակտիվ
Ucom
Vivacell-MTS