Beeline-ը հայտարարում է Տարածքային վաճառքների մենեջերների հավաքագրման մասին՝ ինտերնետ ծառայությունների, մասնավորապես, FTTB տեխնոլոգիայով օպտիկամանրաթելային «Beeline ինտերնետ» ծառայության վաճառքի նոր ծրագրում աշխատելու համար:
Աշխատանքը հիմնականում նախատեսված է ուսանողների համար: Այն ենթադրում է ճկուն ժամանակացույց, գումար վաստակելու հնարավորություն` համատեղելով ուսումը և աշխատանքը, ինչպես նաև անվճար դասընթացներ, աշխատանքի արժեքավոր փորձ և երկրի հեռահաղորդակցության խոշորագույն ընկերությունում կարիերայի աճի հնարավորություն:

Ծրագրի մասնակիցների համար նախատեսված դասընթացի շրջանակում Հայաստանում Beeline-ի Գլխավոր տնօրեն Անդրեյ Պյատախինը նշեց. «FTTB տեխնոլոգիայով օպտիկամանրաթելային «Beeline ինտերնետ» ծառայությունը համակարգված կերպով ընդլայնվում է դեպի նոր շրջաններ` ներգրավելով նոր շինություններ և բազմահարկ շենքեր: Beeline ժամանակակից գերարագ օպտիկամանրաթելային ինտերնետը շուկայում լավագույն առաջարկներից է, և մենք հատուկ ուշադրություն կհատկացնենք նրա շուտափույթ ընդլայնմանը: Այս նպատակով մենք հրավիրում ենք շփվող, նպատակասլաց և ինքնավստահ ուսանողների` փորձելու իրենց ուժերն այս ծրագրում և դառնալու Beeline թիմի մի մասը»:

Հետաքրքրված թեկնածուները կարող են ուղարկել իրենց ինքնակենսագրությունը [email protected] էլեկտրոնային հասցեին: Լրացուցիչ տեղեկությունների համար կարող եք զանգահարել 010-267764 հեռախոսահամարին։

Հիշեցնենք, որ «ԱրմենՏել» ՓԲԸ-ն (Beeline ապրանքանիշ) հանդիսանում է «ՎիմպելԿոմ» ընկերությունների խմբի մի մասը: «ՎիմպելԿոմ»-ը հանդիսանում է աշխարհի խոշորագույն ինտեգրված օպերատորներից մեկը, որը գործում է աշխարհի 14 երկրում, իսկ գլխամասային գրասենյակը գտնվում է Ամստերդամում: Ընկերությունների խումբն ընդգրկում է մի շարք հեռահաղորդակցության ընկերություններ, որոնք մատուցում են ինչպես անլար և ամրակցված կապի տեխնոլոգիաների լայն շրջանակի վրա հիմնված ձայնային կապի ու տվյալների հաղորդման, այնպես էլ լայնաշերտ ինտերնետ հասանելիության ծառայություններ Ռուսաստանում, Ուկրաինայում, Ղազախստանում, Ուզբեկստանում, Տաջիկստանում, Հայաստանում, Վրաստանում, Ղրղզստանում, Լաոսում, Ալժիրում, Բանգլադեշում, Պակիստանում, Զիմբաբվեում, Իտալիայում: «ՎիմպելԿոմ»-ը ծառայություններ է մատուցում ամբողջ աշխարհում` շուրջ 740 մլն. ընդհանուր բնակչությամբ տարածքներում: «ՎիմպելԿոմ» խմբի ընկերությունները ծառայություններ են մատուցում «Beeline», «Киевстар», «Wind», «Infostrada», «Mobilink», «Banglalink», «Telecel» և «Djezzy» ապրանքանիշերի ներքո: 2015թ. մարտի 31-ի դրությամբ ընկերության բաժանորդների թիվը կազմում էր 218 միլիոն: “ՎիմպելԿոմ”-ի բաժնետոմսերը շրջանառվում են NASDAQ բորսայում VIP նշումով: Մանրամասներին կարելի է ծանոթանալ www.vimpelcom.com կայքում: