374
21
2808
Հայաստանում կբացվի ՏՏ ոլորտի խոշորագույն Oracle ընկերության ներկայացուցչությունը

Հայաստանում կբացվի ՏՏ ոլորտի խոշորագույն Oracle ընկերության ներկայացուցչությունը

Ծրագրավորման ոլորտում աշխարհում երկրորդ խոշորագույն «Օրաքլ» (Oracle) ընկերության մուտքը Հայաստան կարևոր նախադրյալ կարող է հանդիսանալ երկրի տնտեսական զարգացման համար:

Այս մասին լրագրողների հետ զրույցում նշել է ՀՀ Էկոնոմիկայի նախարարի տեղակալ Էմիլ Տարասյանը: Հուլիսի 29-ին տեղի ունեցավ «Օրաքլ» օգտատերերի հայկական խմբի առաջին խորհրդաժողովը Հայաստանում, որին ներկա էին նաև «Օրաքլ» DB և Java օգտատերերի հայկական խմբի հիմնադիր-նախագահ Ռիչարդ Բեզջյանը, Հայաստանում ԱՄՆ դեսպան Ջոն Հեֆֆերնը, Հայաստանում Բրազիլիայի դեսպան Էդսոն Մարինյո Դուարտե Մոնտեյրոն, Հայաստանում Միացյալ Թագավորության փոխդեսպան Ամիաս Մուրզը, ոլորտի մասնագետներ և գործարարներ:

ՀՀ Էկոնոմիկայի փոխնախարարը նշեց, որ ՀՀ կառավարության և «Օրաքլ» ընկերության միջև ստորագրվել է համագործակցության համաձայնագիր: Առաջին քայլը պետք է լինի Հայաստանում ներկայացուցչության բացումը, որն ակնկալվում է մոտ ապագայում:

«Տեղեկատվական տեխնոլոգիաների ոլորտի զարգացումը մշտապես եղել է կառավարության ուշադրության կենտրոնում: Ներկայումս պետություն-մասնավոր հատված համագործակցության սկզբունքով իրականացվում են բազմաթիվ ծրագրեր ոլորտի կադրերի պատրաստման և վերապատրաստման, արտահանման և ներդրումների ծավալի մեծացման, ձեռներեցությունների խթանման և սկսնակ ընկերությունների ձևավորման աջակցման, աշխատատեղերի ստեղծման ուղղությամբ: Կառավարությունն էապես կարևորում է ՏՏ ոլորտում վերազգային կազմակերպությունների և գործարար կապերի ամրապնդմանը»,- ասաց Տարասյանը: «Օրաքլ» օգտատերերի հայկական խմբի նախագահ Ռիչարդ Բեզջյանն իր հերթին ներկայացրեց տվյալների բազայի և Java օգտատերերի հատուկ խմբերի ստեղծման մասին ընկերության տեսլականը: «Մենք պատրաստ ենք համագործակցել հայաստանյան բոլոր կազմակերպությունների հետ: Բերել նոր արտադրանք և նոր գաղափարներ հայկական շուկա: Մեր նպատակն է կամուրջ հանդիսանալ հայկական և համաշխարհային օգտատերերի խմբերի միջև»,- ասաց նա:

ԱՄՆ դեսպան Ջոն Հեֆֆերնի գնահատմամբ` Հայաստանի ապագան գիտելիքահենք տնտեսությունն է, և թվային կապերն էական դեր ունեն մեր երկրի համար: «Ինձ համար և համոզված եմ` նաև ինձ հաջորդող դեսպանի գերակայությունն է լինելու խորացնել տնտեսական հարաբերությունները Հայաստանի հետ, ստեղծել նոր աշխատատեղեր ու տնտեսական հնարավորություններ հայ ժողովրդի համար»,-նշեց ԱՄՆ դեսպանը:

Խորհրդաժողովի ընթացքում ՀՀ տեղեկատվական տեխնոլոգիաների կայացման և զարգացման գործում ունեցած նշանակալի ներդրումների համար ՀՀ կառավարության կողմից Գերազանցության պատվոգիր շնորհվեց Երևանի մաթեմատիկական մեքենաների գիտահետազոտական ինստիտուտին, իսկ ՀՀ-ում ԱՄՆ դեսպան Ջոն Հեֆֆերնի կողմից` ՀՀ գիտությունների ազգային ակադեմիային:

 

Աղբյուրը՝ artsakhpress.am

Կարճ հասցե: geek.am/u/4305.html
Հայաստան Oracle Heffern Ռիչարդ Բեզջյան Էմիլ Տարասյանը Էդսոն Մարինյո Դուարտե Մոնտեյրո Ամիաս Մուրզ Հայաստան

Latest News

1 2 3 4 5 >
Ամբողջը` 2561 : Ցուցադրված է` 1 - 15 :

Tech

image

Beeline-ի վաճառքի և սպասարկման գրասենյակները կաշխատեն հանգստյան և տոն օրերին

Beeline-ի հաճախորդները դեկտեմբերին՝ նախատոնական շրջանում կկարողանան իրենց բոլոր հարցերով դիմել վաճառքի և սպասարկման գրասենյակներ նաև հանգստյան օրերին։ Մինչև Ամանոր Երևանի և Հայաստանի խոշոր քաղաքների գրասենյակների ...

Code

image

Apple-ը հրապարակել է 2017թ. ամենաշատ ներբեռնված հավելվածների ցուցակը

Apple կորպորացիան հրապարակել է App Store և iTunes հարթակներից 2017թ.-ի ամենաշատ ներբեռնումներ ունցող հավելվածների ցուցակը։ 2016թ.-ի համեմատ տեղի է ունեցել առաջատարի փոփոխություն։ 2017թ.-ին առաջատարն է ...

Web

image

Ավելի արագ և հասանելի Facebook՝ Ռոստելեկոմի բաժանորդների համար

«Ռոստելեկոմ»-ը հայաստանյան օգտատերերի համար նորանոր տեխնոլոգիական լուծումներ է գործարկում՝ բարձրացնելով ամենահաճախ օգտագործվող ռեսուրսների հասանելիությունն ու ցանցի արագագործությունը։Ընկերությունը Ֆեյսբուք սոցիալական ցանցի հետ կնքված համաձայնագրի արդյունքում «Ռոստելեկոմ»-ի ...

Mobile

image

ՎիվաՍել-ՄՏՍ. գնեք iPhone X և ստացեք նվեր գեղեցիկ համար

ՎիվաՍել-ՄՏՍ-ը տեղեկացնում է, որ դեկտեմբերի 1-ից ՎիվաՍել-ՄՏՍ-ի սպասարկման կենտրոններում* հնարավոր է գնել նոր iPhone X` 64 ԳԲ հիշողությամբ և ստանալ գեղեցիկ համար: iPhone-ի նոր դարաշրջանի այս ...

Business

image

iPhone X-ը՝ Ucom-ի ամենաարագ ցանցում Apple-ի պաշտոնական երաշխիքով

Դեկտեմբերի 1-ին Apple-ի պաշտոնական գործընկեր հանդիսացող Ucom ընկերության վաճառքի և սպասարկման կենտրոններում մեկնարկեց Apple ընկերության ամենասպասված և ամենաինտրիգային սարքավորման՝ iPhone X-ի վաճառքը։ Ինչպես բազմաթիվ երկրների, այնպես ...

Various

image

Ucom. գործարկվեց ինտերակտիվ մեթոդների և հեռավար ուսուցման stem.am առցանց հարթակը

Օրերս Ucom ընկերության, «ՍՏԵՄ ծրագրերի կենտրոն» և «Ինտերնետ հանրություն» կազմակերպությունների աջակցությամբ Վանաձորի Գևորգ Չաուշի անվան թիվ 24 միջնակարգ դպրոցում գործարկվեց ինտերակտիվ մեթոդների և հեռավար ուսուցման ...

Bloggers

Վահագն Օհանջանյան
IT Job
Newsmaker Geek
Samvel Chakhalyan
Beeline Armenia
ITJobs am
Bang2Joom
Ինտերակտիվ
Ucom
Mobidram