Ամանորի նախաշեմին Pepsi Armenia-ն IP Marketing ընկերության հետ համատեղ որոշել է հաճելի անակնկալ մատուցել իր սպառողներին: Այցելելով ընկերության պաշտոնական կայք՝ կհանդիպեք Pepsi-ի արջուկին, ով ջանք չի խնայի Ձեր բարձր տրամադրությունն ապահովելու համար: 

Կայքում անհրաժեշտ է մուտքագրել հայերեն տառերից որևէ մեկը և հետևել արջուկի գործողություններին: Ի դեպ, որպեսզի արջուկը արձագանքի Ձեր հրահանգներին, պետք է մուտքագրել միայն հայերեն տառեր: 

Սա էլ դեռ ամենը չէ, քանի որ տառերից մեկում անակնկալ է թաքնված: Այն գտնելու համար անհրաժեշտ կլինի հերթականությամբ մուտքագրել բոլոր տառերը: Հուսով ենք՝ կվայելեք այն: