Որպես «Google Trends»-ի բաժին՝ որոնողական հսկան գործարկում է World Cup կայքը, որը ֆուտբոլի երկրպագուներին հնարավորություն կտա տեղեկանալ ամենավերջին նորություններին և առցանց հետևել ընթացիկ խաղերի մեջ փոփոխություններին:

Google ընկերությունը, ինչպես և Twitter-ը, օգտատերերին առաջարկում է հետևել վերջին թարմացումներին ու ամենաշատ քննարկվող թեմաներին:

Ավելին՝ Google Now-ի օգտատերերը հնարավորություն կունենան ստանալ խաղերի մասին ողջ տեղեկատվությունն առանց անգամ փնտրելու անհրաժեշտության: Ավելացվել է նաև Google Street View ծածկույթը, որի շնորհիվ ֆուտբոլասերները կարող են ինչպես դրսից, այնպես էլ ներսից ծանոթանալ այն 12 մարզադաշտերին, որտեղ տեղի են ունենալու Աշխարհի Գավաթի խաղերը: