MTV-ն «Ապրել ծնողների հետ» ռեալիթի շոուի թողարկմանն ընդառաջ գործարկել է մի անչափ զվարճալի և հետաքրքիր ինտերակտիվ կայք, որը պատմում է երիտասարդ զույգի կյանքի մասին:

Նշենք, որ կայքում երիտասարդների կյանքը կարող եք կառավարել դուք` ձեր համակարգչի տեսախցիկի օգնությամբ: Նախապես կայքը թույլատվություն է խնդրում օգտագործելու Ձեր տեսախցիկը, այնուհետ այն չափում է ձեր սենյակի լուավորվածությունը` հետո խնդրում փակել տեսախցիկը, որ կարողանա ճանաչել նաև մթության աստիճանը:

Կայքը կազմված է տարբեր տեսանյութերից, որոնց մեջ երիտասարդ զույգը զբաղվում է տարբեր գործերով: Եթե Ձեր սենյակում լույս է, ապա երիտասարդ զույգը զբաղվում է ցերեկային գործերով, իսկ ահա երբ Ձեր սենյակում մութ է, այդժամ և սկսվում են այլ գիշերային խաղեր (+18) մեծահասակների համար:

Իհարկե պետք չէ սպասել, երբ մութը կընկնի, պարզապես կարող եք մատով փակել տեսախցիկը և համակարգը կկարծի, որ դուք մթության մեջ եք:

Կայքի մասին լավ պատկերացւոմ կազմելու համար կարող ես դիտել կից նկարները: Կայքի հասցեն հետևյալն է http://ruleswitcher.mtv.com:  Կայքն այցելելու ընթացքում խորհուրդ չի տրվում երեխաներին մոտ թողնել համակարգչին: