Ընկերության կայքում ներկայացված տեղեկատվության համաձայն ամսական Twitter-ից օգտվում է 241 միլիոն մարդ և 2013 թվականի հոկտեմբեր ամսից ի վեր գրանցվել է 9 միլիոն աճ:

Twitter-ի օգտատերերի մոտ 76%-ն օգտվում է կայքի բջջային ծառայություններից: Հարկ է նշել, որ իր առաջին հրապարակային ֆինանսական հաշվետվության մեջ Twitter-ն ամենօրյա ակտիվ լսարանի մասին ոչ մի ցուցանիշ չէր ներկայացրել: Կայքի օգտատերերից 187 միլիոնն ԱՄՆ-ի սահմաններից դուրս են գտնվում:

2013 թվականին Twitter-ի ընդհանուր շահույթը կազմել է 664,89 ԱՄՆ դոլար, որից 596-ը ձևավորվել է գովազդի հաշվին, իսկ 4-րդ եռամսյակից ստացված շահույթի 75%-ն էլ ապահովել է բջջային գովազդը:

Միևնույն ժամանակ իր լսարանի մեծությամբ Twitter-ը դեռևս զգալիորեն զիջում է իր գլխավոր մրցակից Facebook-ին, որից ամսական օգտվում է ավելի քան 1,23 միլիարդ մարդ: