2 տեսախցիկ, 30 երկիր, 60 թռիչք, ավելի քան 1000 տեսանյութ և 200 000 լուսանկար: Այս ամենի արդյունքում է ստացվել Եվրոպայի ամենատարբեր անկյունների մասին թայմլեփս ոճով նկարահանված ֆիլմը:

Թայվանցի լուսանկարիչ Սթեն Չանը վերջին երկու տարիներին ողջ Եվրոպայով կատարած իր ճանապարհորդության ընթացքում մեծ քանակությամբ լուսանկարներ և տեսանյութեր է հավաքել, որոնցից լավագույնների հիման վրա նկարահանել է «Կախարդական Եվրոպա» (Magical Europe) անվանումը ստացած ֆիլմը:

Չանը կարծում է, որ մարդիկ պետք է հնարավորինս շատ ճանապարհորդեն, իսկ այս ֆիլմը կօգնի նրանց համապատասխան երկրի ընտրության հարցում: