«Circle.am»-ը և «Բիզնես 24»-ը ( http://www.b24.am) հերթական անգամ ներկայացրել են Հայաստանի ինտերնետ պրովայդերների առաջատար տասնյակը.

ԱՄՍԱԿԱՆ ՑՈՒՑԱՆԻՇՆԵՐ

Սեպտեմբեր – 1. Beeline` 43.92% (օգոստոսի համեմատ՝ +0.14 տոկ. կետ), 2. Ucom` 20.68% (+0.19 տոկ. կետ), 3. Orange` 14.21% (-0.43 տոկ. կետ), 4. Vivacell-MTS` 8.76% (-0.26 տոկ. կետ), 5. Rostelecom` 4.38% (+0.08 տոկ. կետ), 6. ADC` 2.44% (+0.14 տոկ. կետ), 7. Arminco` 1.34% (+0.13 տոկ. կետ), 8. Karabakh-Telecom` 0.93% (+0.03 տոկ. կետ), 9. YPI` 0.67% (+0.06 տոկ. կետ), 10. Bionet` 0.55% (+0.07 տոկ. կետ):

Հոկտեմբեր – 1. Beeline` 43.87% (սեպտեմբերի համեմատ՝ -0.05 տոկ. կետ), 2. Ucom` 20.64% (-0.04 տոկ. կետ), 3. Orange` 14.11% (-0.10 տոկ. կետ), 4. Vivacell-MTS` 8.67% (-0.09% տոկ. կետ), 5. Rostelecom` 4.61% (+0.23 տոկ. կետ), 6. ADC` 2.49% (+0.05 տոկ. կետ), 7. Arminco` 1.36% (+0.02 տոկ. կետ), 8. Karabakh-Telecom` 0.92% (-0.01 տոկ. կետ), 9. YPI` 0.75% (+0.08 տոկ. կետ), 10. Bionet` 0.57% (+0.02 տոկ. կետ):

Նոյեմբեր – 1. Beeline` 44.08% (հոկտեմբերի համեմատ՝ +0.21 տոկ. կետ), 2. Ucom` 20.74% (+0.10 տոկ. կետ), 3. Orange` 14.14% (+0.03 տոկ. կետ), 4. Vivacell-MTS` 8.93% (+0.26% տոկ. կետ), 5. Rostelecom` 4.41% (-0.20 տոկ. կետ), 6. ADC` 2.34% (-0.15 տոկ. կետ), 7. Arminco` 1.28% (-0.08 տոկ. կետ), 8. Karabakh-Telecom` 0.94% (+0.02 տոկ. կետ), 9. Bionet` 0.57% (փոփոխություն չկա), 10. Interactive TV` 0.51%:

ԸՍՏ ՊՐՈՎԱՅԴԵՐՆԵՐԻ

1. Beeline – առաջատարի ցուցանիշը աշնան ընթացքում աճել է 0.30 տոկոսային կետով, իսկ անցյալ տարվա նոյեմբերի համեմատ արձանագրվել է կրճատում՝ 3.14 տոկոսային կետով կամ 6.65%-ով:

2. Ucom – 2013թ.-ի սեպտեմբեր-նոյեմբեր ամիսների ընթացքում գանցվել է աճ` 0.25 տոկոսային կետով: Վերջին տասներկու ամիսներին աճը կազմել է 6.12 տոկոսային կետ կամ 41.86%:

3. Orange – աշնանը գրանցվել է ցուցանիշի անկում՝  0.50 տոկոսային կետով: Անցյալ տարվա նոյեմբերի համեմատ կրճատումը կազմել է 2.28 տոկոսային կետ կամ 13.88%:

4. Vivacell-MTS – աշնան ամիսներին օպերատորի ցուցանիշը նվազել է 0.09 տոկոսային կետով, իսկ վերջին 12 ամիսներին գրանցվել է կրճատում՝ 0.83 տոկոսային կետով կամ 8.50%-ով:

5. Rostelecom – սեպտեմբեր-նոյեմբեր ամիսներին ցուցանիշն աճել է 0.11 տոկոսային կետով: Անցյալ տարվա նոյեմբերի համեմատ արձանագրվել է աճ` 0.57 տոկոսային կետով կամ 14.84%-ով:

6. ADC – աշնան ընթացքում գրանցվել է աճ 0.04 տոկոսային կետով, իսկ անցյալ տարվա նոյեմբերի համեմատ արձանագրվել է ցուցանիշի կրճատում՝ 0.37 տոկոսային կետով կամ 13.65%-ով:

7. Arminco – սեպտեմբեր-նոյեմբեր ամիսներին ցուցանիշն աճել է 0.07 տոկոսային կետով, իսկ վերջին մեկ տարվա ընթացքում արձանագրվել է ցուցանիշի կրճատում՝ 0.63 տոկոսային կետով կամ 32.98%-ով:

8. KT – արցախյան հեռահաղորդակցական ընկերության ցուցանիշն աշնան ընթացքում աճել է 0.04 տոկոսային կետով, իսկ վերջին մեկ տարվա կտրվածքով գրանցվել է աճ` 0.27 տոկոսային կետով կամ 40.30%-ով:

9. Նոյմբեր ամսին 9-րդ հորիզոնականը զբաղոցնող YPI-ն (Երևանի ֆիզիկայի ինստիտուտ) դուրս է մղվել տասնյակից, փոխարենը իններորդ հորիզոնական է բարձրացել Bionet-ը, որի ցուցանիշն աշնան ընթացքում աճել է 0.09 տոկոսային կետով:

10. Նոյեմբերին առաջին անգամ տասնյակում է հայտնվել Interactive TV-ն, արձանագրվել է 0.51 տոկոսային կետ ցուցանիշը:

ՄԻՏՈՒՄՆԵՐ

2013թ.-ի սեպտեմբերին առաջատար տասնյակին բաժին է ընկել Circle.am-ում գրանցված հայաստանյան այցելությունների 97.73%-ը, հոկտեմբերին` 97.99%-ը, նոյեմբերին` 97.94%-ը: Հիշեցնենք, որ ամռան վերջին սույն ցուցանիշը կազմել է 97.40%, իսկ անցյալ տարվա նոյեմբերին` 98.02%:

Առաջատար 5 պրովայդերների դեպքում պատկերը հետևյալն է. 2013թ.-ի սեպտեմբեր` 91.95%, հոկտեմբեր` 91.90%, նոյեմբեր` 92.30%: 2013թ.-ի օգոստոսին սույն ցուցանիշը կազմել է 92.23%, իսկ 2012թ.-ի նոյեմբերին` 91.86%:

Աշնան ընթացքում առաջատար տասնյակում զգալի փոփոխություններ չեն արձնագրվել:

Ինչպես և ամռանը, Beeline-ին հաջողվել է մի փոքր աճ արձանագրել: Ucom-ի աճի տեմպերը աշնան ընթացքում նվազել են, սակայն, ամեն դեպքում, դրանք շարունակում են մնալ ամենաբարձրը: Շարունակում է աճել նաև Rostelecom-ի մասնաբաժինը: Orange-ի և Vivacell-MTS-ի ցուցանիշները շարունակում են նվազել: