Ֆեյսբուքի հիմնադիր Մարկ Ցուկերբերգը վերջերս դուստր է ունեցել և այդ պատճառով որոշ ժամանակ աշխատանքի չէր գնում։ Քիչ առաջ նա Ֆեյսբուքում ստատուս է հրապարակել, որտեղ խնդրում է օգտատերերին օգնելու իրեն աշխատանքային առաջին օրվա հագուստը ընտրելու հարցում՝ նշելով, որ ինքն անորոշ վիճակում է։ Ստատուսին կից նաև կարելի է տեսնել Ցուկերբերգի պահարանի նկար, որտեղ կախված են նրա հանրահայտ մոխրագույն շապիկներն ու գորշ բաճկոնները։ Սա իհարկե կատակ է, ինչը ցույց է տալիս, որ Ցուկերբերգը բավական հումորով է վերաբերում ինքն իրեն։

Հայտնի փաստ է, որ Մարկ Ցուկերբերգը հագուստի ընտրությանը մեծ նշանակություն չի տալիս և հիմնականում կապույտ ջինսի հետ կրում է մոխրագույն շապիկներ։