Վերջին 20 տարում բջջային կամ շարժական տեխնոլոգիաները հսկայական առաջընթաց են գրանցել: Համեմատելու համար բավական է հիշել Արմենտելի կողմից առաջինը վաճառի հանված Siemens հսկայական հեռախոսները։

Վերջին 20 տարում աշխարհում բջջային հեռախոսների հազարավոր մոդելներ են արտադրվել, որոնց մեծ մասի մասին ոչ ոք այլևս չի հիշում։ Սակայն կան մոդելներ, որոնցից ամեն մեկն իր ժամանակաշրջանում եղել է առաջինը և մինչ այժմ վառ հիշողություններ թողել օգտատերերի մոտ։

Ներկայացնում ենք վերջին 20 տարվա աշխարհի ամենահայտնի, պահանջված և սիրված բջջային հեռախոսներն ու սմարթֆոնները։

1996 – Motorola StarTAC

Առաջին ծալվող բջջային հեռախոսը, որը նշմարեց բջջային հեռախոսների զարգացման ուղղությունը։ Հեռախոսն արժեր մոտ 1000 դոլար։ Աշխարհում վաճառվել է մոտ 60 մլն Motorola StarTAC։

1997 – Nokia 6110

Հեռախոս, որը բջջային սարքերի աշխարհ բերեց միանգամից մի քանի նորամուծություն։ Դրանցից գլխավորներն են առաջին պատկերներով մենյուն և օձ խաղը։ Այս հեռախոսի վրա է առաջինը տեղադրվել տվյալների փոխանակման ինֆրակարմիր մոդուլ։

1998 – Nokia 5110

Ֆինլանդական ընկերության ամենահայտնի մոդելներից մեկն է, որը բավական մատչելի էր։ Աշխարհում վաճառվել է այս մոդելի 160 մլն հեռախոս։

1999 – Nokia 3210

Առաջին բջջային հեռախոսներից մեկն էր, որի ալեհավաքը տեղադրված էր սարքի ներսում։ Մոդելը մեծ պահանջարկ ունեցավ, աշխարհում վաճառվել է այս մոդելի 160 մլն հեռախոս։

2000 – Nokia 3310

Լեգենդար հեռախոս։ Մոդելը վայելում է աշխարհի ամենապինդ բջջային հեռախոսի համբավը։ Չնայած նման փառքին, 3310-ը վաճառքի ծավալներով մի փոքր զիջում է նախկին երկու մոդելներին։ Աշխարհում վաճառվել է 3310-ի մոտ 126 մլն օրինակ։

2001 – Ericsson T39

Նորարարական արտաքինով բջջային հեռախոս, որի վրա տեղադրված էր Bluetooth:

2002 – Nokia 7650

Տեխնոլոգիապես նորարարական մոդել, որի էկրանը գունավոր էր և կար տեղադրված ֆոտոխցիկ, որը 640х480 պիքսել չափի լուսանկարներ էր նկարում։

2003 – Nokia 1100

Նոկիայի կողմից արտադրված ամենահասարակ հեռախոսներից մեկը, որն արտադրվեց 5 տարի և վաճառվեց 200 մլն օրինակով։

2004 – Motorola RAZR V3

Ամենաոճային բջջային հեռախոսներից մեկն աշխարհում, որն առանձնանում էր իր բարակությամբ և մեծ էկրանով։ Աշխարհում վաճառվել է 130 մլն RAZR V3։

2005 – Sony Ericsson K750i

Sony Ericsson-ի կողմից արտադրված լավագույն մոդելներից մեկը, որն առանձնանում էր և տեխնոլոգիական, և որակական հատկանիշներով։

2006 – Nokia N73

Նոկիայի ամենահայտնի մոդելներից մեկը, որը դեռևս սմարթֆոն չէր, սակայն տեխնոլոգիապես բավական զարգացած էր։

2007 – iPhone

Apple-ի կողմից արտադրված առաջին բջջային հեռախոսը կամ ավելի ճիշտ՝ սմարթֆոնը, որը հեղափոխություն առաջացրեց բջջային սարքավորումների ոլորտում։

2008 – HTC Dream

Առաջին Android սմարթֆոնը, որն ազդարարեց Google-ի մուտքը շարժական սարքավորումների և օպերացիոն համակարգերի ոլորտ։

2009 – iPhone 3GS

Apple-ի կողմից արտադրվող iPhone-ների չորրորդ սերունդ, որը մեծաքանակ վաճառքներ ունեցավ։ Թողարկման միայն առաջին շաբաթում վաճառվեց մեկ միլիոն օրինակ։

2010 – Nokia 5230

Նոկիայի պատասխանը HTC-ին և Apple-ին։ Վաճառվել է այս մոդելի մոտ 150 մլն օրինակ։

2011 – Apple iPhone 4S

Apple-ի առաջին սմարթֆոնը, որի վրա գործարկվել է Սիրի ձայնային օգնականը։ Վաճառվել է սմարթֆոնի 83 մլն օրինակ։

2012 – Samsung Galaxy S*

Սամսունգի և Գուգլի համագործակցության մեկնարկը բավական հաջող ստացվեց։ Samsung Galaxy S շարքի մոդելները մինչ այժմ մնում են Android սմարթֆոնների առաջատարների շարքում։

2013 – Nokia Lumia 1020

Նոկիայի հերթական սմարթֆոնն առանձնանում էր իր տեսախցիկով, որի կետային խտությունը կազմում էր 41 ՄՊ։

2014 – iPhone 6 и 6 Plus

iPhone-ի նոր սերունդի սմարթֆոններ, որոնք ունեն բարձր տեխնիկական հատկանիշներ։ Վաճառքի ծավալները նույնպես բավական մեծ են։

2015 – Samsung Galaxy S6 edge

Կորացված էկրանով Android սմարթֆոն, որի տեխնիկական շատ ցուցանիշներ դեռևս մնում են չգերազանցված։