Ապրիլ, 2025
April 2025
M T W T F S S
 123456
78910111213
14151617181920
21222324252627
282930  
iOS օգտատերերը զրկվել են «Вконтакте»-ում երաժշտություն լսելու հնարավորությունից
12/02/2015 11:13

iOS օգտատերերը զրկվել են «Вконтакте»-ում երաժշտություն լսելու հնարավորությունից

«Вконтакте» սոցիալական ցանցը թողարկել է iOS հավելվածի նոր տարբերակը, ընդ որում՝ iPhone-ի և iPad-ի օգտատերերը սոցցանցում երաժշտություն լսելու հնարավորություն այլևս չեն ունենալու: 

«Ցավում ենք, որ Apple ընկերության վարած ոչ թափանցիկ քաղաքականության հետևանքով մեր օգտատերերը զուրկ են լինելու iOS հարթակի բջջային հավելվածում երաժշտական սթրիմինգային ծառայությունից օգտվելու հնարավորությունից»,- նշել է «Вконтакте»-ի մամուլի խոսնակ Գեորգի Լոբուշկինը: Սոցցանցի հաղորդագրության մեջ նաև ասվել է, որ գործառույթը հավելվածից ժամանակավորապես է հեռացվել: 

Հավելվածի նոր տարբերակներում նկատելի են նաև դրական փոփոխություններ: Շտկվել են նախորդ տարբերակներում հայտնաբերված մի շարք խնդիրներ ու թերություններ, այնուամենայնիվ, հաշվի առնելով կարևորագույն գործառույթներից մեկի բացակայությունն ու iOS օգտատերերի քանակը՝ սոցիալական ցանցը կարող է լուրջ խնդրի առաջ կանգնել: