Հայտնի են «ԴիջիԿոդ» կիրառական ծրագրավորման պատանեկան 11-րդ մրցույթի հաղթողները
Կայացավ «ԴիջիԿոդ» կիրառական ծրագրավորման 11-րդ ամենամյա պատանեկան մրցույթի եզրափակիչ հանրապետական փուլը։ Այս տարի մրցույթի մարզային փուլերին մասնակցել էին 1320 պատանիներ Հայաստանի տարբեր համայնքներից, որոնցից 147-ն անցել էին եզրափակիչ։
«ԴիջիԿոդ» մրցույթը կազմակերպում է Առաջատար տեխնոլոգիաների ձեռնարկությունների միության (ԱՏՁՄ) ճարտարագիտական կրթության «Արմաթ» ազգային ծրագիրը։
Մրցույթի նպատակն է զարգացնել պատանիների ալգորիթմական մտածողությունը, խթանել ծրագրավորման հանդեպ հետաքրքրությունը և բացահայտել տեխնոլոգիական ոլորտի ապագա առաջնորդներին։
2015 թվականից անցկացվող «ԴիջիԿոդ»-ը տարիների ընթացքում դարձել է Հայաստանի կարևորագույն կրթական և տեխնոլոգիական նախաձեռնություններից մեկը՝ համախմբելով ծրագրավորմամբ, ճարտարագիտությամբ և տեխնոլոգիաներով հետաքրքրված հազարավոր դպրոցականների։
Այս տարի ևս մրցույթն անցկացվեց մի շարք անվանակարգերով։
«Սարքերի ինտեգրում» անվանակարգում (10-18 տարեկան) հաղթող ճանաչվեցին Նարա Իսրաելյանն ու Նարե Պետրոսյանը՝ Իջևանի վարժարանից։
«Վիրտուալ լաբորատորիաներ» անվանակարգում (10-13 տարեկան) հաղթող դարձավ Գևորգ Մեծրիցյանը՝ Շնողի միջնակարգ դպրոցից, իսկ 14-18 տարեկանների խմբում՝ Դաթիս Բահրամիզադեն (Իրան) Երևանի թիվ 35 հիմնական դպրոցից։
«Համակարգչային խաղեր» անվանակարգում (10-13 տարեկան) հաղթեցին Էրիկ Ներսիսյանն ու Արման Սահակյանը՝ Անուշավանի միջնակարգ դպրոցից, իսկ 14-18 տարեկանների խմբում՝ Նարե Անտաշյանն ու Սամվել Շահրեդյանը՝ Ալավերդու թիվ 2 դպրոցից։
«Ինտերակտիվ անիմացիա» անվանակարգում (10-13 տարեկան) հաղթող ճանաչվեց Մարկ Աբրահամյանը՝ Երևանի թիվ 196 հիմնական դպրոցից, իսկ 14-18 տարեկանների խմբում՝ Նարեկ Մելքոնյանը՝ Մեծավանի թիվ 2 միջնակարգ դպրոցից։
«Ֆինանսական գրագիտություն» անվանակարգում (10-13 տարեկան) հաղթեց Ալեքս Նիկողոսյանը՝ Արտաշատի թիվ 3 հիմնական դպրոցից, իսկ 14-18 տարեկանների խմբում՝ Հայկուհի Գրիգորյանը՝ Վանաձորի թիվ 21 հիմնական դպրոցից։
«Հեքիաթներ» անվանակարգում (10-13 տարեկան) լավագույն ճանաչվեց Մանե Ասատրյանի և Իննա Զավարյանի թիմային աշխատանքը՝ Ալավերդու թիվ 10 հիմնական դպրոցից։
«Python» օլիմպիադայում հաղթողներ դարձան Գրիգ Ժամհարյանը (10-11 տարեկան, Դիլիջանի ավագ դպրոց), Մամիկոն Համբարյանը (12-14 տարեկան, Գյումրու թիվ 41 հիմնական դպրոց) և Գայանե Հովհաննիսյանը (15-18 տարեկան, Չարենցավանի թիվ 3 դպրոց)։
«Կրիա» օլիմպիադայում առաջին տեղերը զբաղեցրին Մանվել Սաիլյանը (10-11 տարեկան, Երևանի թիվ 69 հիմնական դպրոց) և Տիգրան Վարդանյանը (12-14 տարեկան, Կաթնաղբյուրի միջնակարգ դպրոց)։
Մրցույթի ավարտին հաղթողները պարգևատրվեցին դրամական մրցանակներով, «Արմաթ» տեխնոճամբարի ուղեգրերով և արժեքավոր նվերներով։
«ԴիջիԿոդ 2026»-ը ևս մեկ անգամ հաստատեց, որ Հայաստանի դպրոցականները ոչ միայն հետաքրքրված են տեխնոլոգիաներով, այլև ունակ են ստեղծել նորարարական այնպիսի լուծումներ, որոնք կարող են դառնալ վաղվա տեխնոլոգիական հաջողությունների հիմքը։
-
17:10 14/05/26Տելեգրաֆից մինչև 5G. Կապի թանգարանը միանում է «Թանգարանների գիշերվան» -
10:52 13/05/26Team-ի աջակցությամբ տավուշցի հարյուրավոր աշակերտներ մասնակցել են «Սիմֆոնիկ ԴասA» կրթական ծրագրին
-
16:07 22/04/26Բնության հանդեպ հոգատար վերաբերմունքը սկսել ենք մեզնից. Team Telecom Armenia-ն արժանացել է ISO 14001:2015 հավաստագրի
-
10:51 17/04/26Սովորի՛ր, խաղա՛ և հաղթի՛ր. Team-ն ու Koreez-ը առաջարկում են կրթական նոր հնարավորություն
-
14:34 13/11/24Երևանում կկայանա Silicon Mountains ամենամյա գագաթնաժողովը -
15:03 06/12/23Հայաստանից ամենաշատ ներբեռնվող հավելվածները. 06/12/2023
-
14:28 05/09/23Հայաստանից ամենաշատ ներբեռնվող հավելվածները. 04/09/2023
-
19:31 22/09/22Level Up միայն ուսանողների համար․ Ucom-ն առաջարկում է ինտերնետի x2 և x3 ծավալ
-
14:19 28/06/22Վիվա-ՄՏՍ. Փոփոխություններ «Ղարաբաղ Տելեկոմ» ցանցում ռոումինգ ծառայության պայմաններում -
19:29 12/10/21Վիվա-ՄՏՍ. «iPhone 13» և «iPhone 13 Pro»-ի վաճառքին մնացել են հաշված օրեր
-
18:58 28/09/20Շարժական կապի օպերատորների համատեղ հայտարարությունը
-
18:57 13/08/20Վիվա-ՄՏՍ. «Լիցք+». այժմ արդեն մինչև 2000 Դ չափով
-
12:15 11/08/192019թ. առաջին կիսամյակում ՀՀ խոշոր հեռահաղորդակցական ընկերությունների մուծած հարկերի ծավալը նվազել է մոտ 23.07%-ով -
16:27 03/05/19Ռոստելեկոմ. նոր առաջարկ՝ երեք ամիս կես գնով
-
13:56 04/12/18Ռոստելեկոմ․ Հայտնի են STARTUP BOOST WEEKEND Vol3 նախագծի հաղթողները
-
16:07 27/09/18Ռոստելեկոմը ռեբրենդինգ է իրականացրել
-
10:18 18/03/26Բովանդակություն ստեղծողների համար Picsart-ը գործարկել է AI-օգնականների մարկետփլեյս -
12:11 14/02/24Picsart-ն ամենաորոնվածն է App Store-ում
-
14:59 02/06/23TalkAround․ Գեներատիվ AI-ը գործնականում. մարտահրավերներ և հնարավորություններ
-
21:00 26/03/23Հայկական Picsart-ը՝ Forbes-ի 14 ուշագրավ ու խելահեղ արհեստական բանականության գործիքների շարքում