Kickstarter համաֆինանսավորման հարթակի պաշտոնական կայքում ներկայացվել է BTunes սարքը, որը, միանակով ցանկացած ականջակալի, դարձնում է այն անլար: Btunes-ում ներկառուցված մարտկոցն ու Bluetooth 4.0 ադապտերն անլար կապի միջոցով ապահովում են պլանշետից, սմարթֆոնից, ինչպես նաև անհատական համակարգչից ազդանշանների փոխանցումը: 

Մշակողների հավաստմամբ՝ BTunes-ը կարողանում է բարձր որակի հնչողություն ապահովել: Սարքի մեկանգամյա լիցքավորումն ապահովում է 10-ժամյա ավտոնոմ աշխատանք:  

Ներկառուցված բարձրախոսն օգտատերերին հնարավորություն կտա հեռախոսազանգեր իրականացնել, ինչպես նաև հրահանգներ տալ բջջային սարքի ձայնային օգնականին: BTunes-ի չափսերը կազմում են 60 × 18 × 16 մմ, քաշը՝ 15 գրամ: 

Նախագծի հեղինակներին արդեն հաջողվել է ներգրավել սարքի արտադրության համար անհրաժեշտ գումարը: BTunes-ի վաճառքի մեկնարկը նախատեսվում է 2015 թվականի մայիսին: